پی ایس ایل 10 کے پلے آف میں پہنچنے والی 4 ٹیموں کا فیصلہ ہوگیا، کونسی 2 ٹیمیں باہر ہوئیں؟ جانئے
پی ایس ایل 10 کے پلے آف کی لائن اپ مکمل
لاہور (ویب ڈیسک) ایچ بی ایل پاکستان سپر لیگ (پی ایس ایل) 10 کے پلے آف کی لائن اپ مکمل ہوگئی۔
یہ بھی پڑھیں: قائمہ کمیٹی انسانی حقوق کا اجلاس؛ثنا یوسف کی والدہ بتائیں کیا پولیس کی کارروائی سے مطمئن ہیں؟عرفان صدیقی کے سوال پر مقتولہ کی والدہ نے بتا دیا
لاہور قلندرز کی شاندار فتح
نجی ٹی وی جیونیوز کے مطابق اتوار کو پی ایس ایل 10 کے 29 ویں میچ میں لاہور قلندرز نے پشاور زلمی کو ہرا کر پلے آف کیلئے کوالیفائی کرلیا، جس کے بعد ایونٹ کے اگلے مرحلے میں پہنچنے والی 4 ٹیموں کا فیصلہ بھی ہوگیا۔
یہ بھی پڑھیں: امریکہ نے قطر میں اپنے شہریوں کو اہم ہدایت جاری کردی
میچ کی تفصیلات
راولپنڈی میں کھیلا گیا میچ آندھی اور بارش کے باعث تاخیر سے شروع ہوا اور میچ کو 13 اوور تک محدود کردیا گیا۔ پشاور زلمی نے ٹاس جیت کر پہلے فیلڈنگ کا فیصلہ کیا۔
یہ بھی پڑھیں: دنیا کی سب سے وزنی بلی انتقال کر گئی
لاہور قلندرز کا اسکور
لاہور قلندرز نے پہلے بیٹنگ کرتے ہوئے مقررہ 13 اوورز میں 8 وکٹ پر 149 رنز اسکور کیے۔ لاہور قلندرز کے 150 رنز کے ہدف کے تعاقب میں پشاور زلمی کی ٹیم مقررہ 13 اوورز میں 8 وکٹوں پر 123 رنز بنا سکی۔
یہ بھی پڑھیں: آپ کون ہیں, شخصیت کا اظہار کیسے کرتے ہیں؟ ان سوالوں کا جواب دینے کیلیے ماضی کی طرف لوٹنا ہو گا‘ وہ ماضی جس میں آپ نے زندگی گزاری
پلے آف کے لئے کوالیفیکیشن
لاہور نے زلمی کو 26 رنز سے شکست دے کر پلے آف کیلئے کوالیفائی کرلیا جبکہ کراچی کنگز، اسلام آباد یونائیٹڈ اور کوئٹہ گلیڈی ایٹرز پہلے ہی پلے آف مرحلے میں پہنچ چکی تھیں۔
یہ بھی پڑھیں: ہوئے نہ لفظ ترے تیر یا کمند ہوئے۔۔۔
پشاور زلمی کا ناکامی کا سامنا
قلندرز سے شکست کے بعد بابر اعظم کی پشاور زلمی ٹورنامنٹ سے باہر ہوگئی، ملتان سلطانز پہلے ہی پلے آف مرحلے کی دوڑ سے باہر ہوگئی تھی۔
یہ بھی پڑھیں: میو ہسپتال کے شعبہ امراض قلب کی ابتر صورتحال، مریضوں کی بد دعائیں، حکومت سے فوری ایکشن لینے کا مطالبہ
پی ایس ایل 10 کے پوائنٹس ٹیبل کی صورتحال
یہ پہلا موقع ہے کہ پشاور زلمی کی ٹیم پی ایس ایل کے پلے آف کیلئے کوالیفائی کرنے میں ناکام رہی۔ پی ایس ایل 10 کے پوائنٹس ٹیبل پر نظر ڈالیں تو کوئٹہ گلیڈی ایٹر 15 پوائنٹس کے ساتھ سر فہرست ہے۔
کراچی کنگز 12 پوائنٹس کے ساتھ دوسرے، لاہور قلندرز 11 پوائنٹس کے ساتھ تیسری پوزیشن پر ہیں۔ اسلام آباد یونائیٹڈ 10 پوائنٹس کے ساتھ چوتھی پوزیشن پر ہے۔
یہ بھی پڑھیں: طلبا و طالبات کے لیے خوشخبری، وزیراعظم یوتھ لیپ ٹاپ سکیم کی رجسٹریشن کا آغاز ہوگیا
پشاور زلمی اور ملتان سلطانز کی صورتحال
پشاور زلمی 10 پوائنٹس کے ساتھ پانچویں جبکہ ملتان سلطانز 2 پوائنٹس کے ساتھ چھٹے نمبر پر ہیں۔ دونوں ٹیموں کا ایونٹ میں سفر ختم ہوگیا ہے۔
آخری میچ کی توقعات
واضح رہے کہ کراچی کنگز اور اسلام آباد یونائیٹڈ کے درمیان لیگ مرحلے کا آخری میچ پیر کو کھیلا جائے گا، جس کے بعد یہ وضاحت ہوگی کہ پلے آف مرحلے میں کون سی ٹیم کس سے ٹکرائے گی۔
