آئی ایم ایف سے بجٹ مذاکرات کا دوسرا دور شروع، تنخواہ داروں پر انکم ٹیکس کم کرنے کیلئے بات ہوگی

آئی ایم ایف کے ساتھ بجٹ مذاکرات کا آغاز

اسلام آباد(ڈیلی پاکستان آن لائن ) حکومتی معاشی ٹیم اور آئی ایم ایف وفد کے بجٹ مذاکرات کے دوسرے مرحلے کا آغاز ہوگیا۔

یہ بھی پڑھیں: آج لاہور میں فضائی معیار بہتر رہنے کا امکان، اینٹی سموگ آپریشن پوری قوت سے جاری ہے : سینئر وزیر مریم اورنگزیب

پاکستان کی معاشی ٹیم کی تشکیل

نجی ٹی وی جیو نیوز کے مطابق آئی ایم ایف کے ساتھ بجٹ مذاکرات کے دوسرے مرحلے کیلئے پاکستان کی معاشی ٹیم میں وزارت خزانہ، ایف بی آر، پلاننگ کمیشن، اکنامک افیئرز ڈویژن اور وزارت پٹرولیم حکام شامل ہیں۔ اس کے علاوہ، آئی ایم ایف وفد کے ساتھ سٹیٹ بینک حکام کے بھی مذاکرات شیڈول ہیں۔

یہ بھی پڑھیں: امریکہ، ایران مذاکرات میں معاملہ کس بات پر رک گیا ہے؟ تجزیہ کار ابصار عالم نے بڑا دعویٰ کردیا۔

آمدن اور اخراجات پر مذاکرات

ذرائع کے مطابق آئی ایم ایف وفد کے ساتھ آمدن اور اخراجات پر حتمی مذاکرات ہوں گے۔ تنخواہ دار طبقے کے لئے انکم ٹیکس کی شرح کم کرنے پر بھی بات چیت ہوگی۔ حکومت اس حوالے سے سالانہ 10 سے 12 لاکھ تنخواہ لینے والوں کو ٹیکس فری کرنے کی کوشش کرے گی۔

یہ بھی پڑھیں: سپریم کورٹ آئینی بنچ نے اعلیٰ عدلیہ ججز کی پارلیمنٹ میں تقریروں کیخلاف درخواست خارج کردی

ایف بی آر کی کوششیں

ذرائع کے مطابق وزیراعظم کی ہدایت پر ایف بی آر انکم ٹیکس میں ریلیف کی کوشش کرے گا۔ مذاکرات 23 مئی تک جاری رہیں گے۔

بجٹ کی تیاری اور اجلاس کی تاریخ

ذرائع وزارت خزانہ کا کہنا ہے کہ 22 مئی تک تمام بجٹ تجاویز کو حتمی شکل دی جائے گی، جبکہ نئے مالی سال کا بجٹ 2 جون کو پیش کیا جائے گا۔