اسرائیلی وزیراعظم کا غزہ پٹی کا مکمل کنٹرول سنبھالنے کا اعلان

اسرائیلی وزیراعظم کا اعلان

تل ابیب (ڈیلی پاکستان آن لائن) اسرائیلی وزیراعظم نیتن یاہو نے اعلان کیا ہے کہ اسرائیلی فوج غزہ پٹی کا مکمل کنٹرول حاصل کرلے گی۔

یہ بھی پڑھیں: ٹریفک حادثات، وزیراعلیٰ مریم نواز کا 9 افراد کے جاں بحق ہونے پر گہرے دکھ کا اظہار

غزہ میں اسرائیلی فوج کی کاروائیاں

نجی ٹی وی جیو نیوز نے عرب میڈیا کے حوالے سے بتایا کہ غزہ پر اسرائیلی فوج کے فضائی حملے اور زمینی آپریشن جاری ہے۔ اس کے دوران نیتن یاہو نے اعلان کیا ہے کہ اسرائیلی فوج غزہ پٹی کا مکمل کنٹرول حاصل کرلے گی۔

یہ بھی پڑھیں: بھارت: پاکستانی خاتون سے شادی چھپانے پر خصوصی پولیس فورس کا اہلکار برطرف

نیتن یاہو کا بیان

نیتن یاہو نے کہا کہ غزہ میں لڑائی شدید ہے، ہم پیشرفت کر رہے ہیں اور ہم غزہ پٹی کے تمام علاقے کا کنٹرول سنبھال لیں گے۔

یہ بھی پڑھیں: وینزویلا میں امریکی کارروائی کے دوران چینی اور روسی دفاعی نظام کام نہ آیا، بزنس انسائڈر

غزہ میں فضائی حملے

دوسری جانب خلیجی میڈیا کا بتانا ہے کہ اسرائیلی فورسز نے ایک گھنٹے کے دوران غزہ میں 30 فضائی حملے کیے ہیں، جن میں صبح سے 32 فلسطینی شہید ہوگئے ہیں۔ اس کے علاوہ، اسرائیلی فوج نے شہریوں کو خان یونس سے انخلا کا حکم دیا ہے۔

ماضی کے بیانات

واضح رہے کہ نیتن یاہو سے قبل امریکی صدر ٹرمپ نے بھی غزہ پٹی کا کنٹرول سنبھالنے اور فلسطینیوں کو کسی اور جگہ منتقل کرنے کا اعلان کیا تھا، مگر عالمی دباو¿ کی وجہ سے وہ بعد ازاں اپنے بیان سے پیچھے ہٹ گئے تھے۔