امریکہ کے ساتھ معاہدہ ہو یا نہ ہو، یورینیم افزودگی جاری رہے گی: ایران

ایران کا یورینیم افزودگی جاری رکھنے کا اعلان

تہران (ڈیلی پاکستان آن لائن) ایران نے امریکہ کے ساتھ معاہدہ ہونے یا نہ ہونے دونوں صورتوں میں یورینیم اضافت جاری رکھنے کا اعلان کیا ہے۔

یہ بھی پڑھیں: ملزم کو مقابلے میں مارے جانے کا ڈر، کمرہ عدالت میں گرفتاری دے دی

ایرانی وزیر خارجہ کا بیان

روز نامہ امت کے مطابق ایران کے وزیر خارجہ عباس عراقچی نے کہا ہے کہ ہم یورینیم کی افزودگی جاری رکھیں گے، امریکہ ایران کے پاس جوہری ہتھیار نہ ہونے کی یقین دہانی چاہتا ہے۔

یہ بھی پڑھیں: خبردار ۔۔پہلا سائیبر پیٹرولنگ اینڈ کوئیک رسپانس سیل قائم،کیا مانیٹر اور رپورٹ کیا جا رہا ہے ؟ جانیے

منصفانہ جوہری معاہدہ کا مطالبہ

انہوں نے کہا کہ تہران پابندیوں سے پاک منصفانہ جوہری معاہدہ چاہتا ہے، ہم اس مقصد کے لئے سنجیدہ بات چیت کے لئے تیار ہیں۔ دوسرے فریق کے غیر حقیقی مطالبات تسلیم نہیں کئے جائیں گے۔

نئے مذاکرات کی ممکنہ تاریخ

دوسری جانب امریکی صدر کے مشرق وسطیٰ کے لئے خصوصی مندوب سٹیووٹکوف کا کہنا ہے کہ واشنگٹن اور تہران کے درمیان مذاکرات کا نیا دور رواں ہفتے ہو سکتا ہے۔