خیبر پختونخوا میں سیکیورٹی فورسز کی کارروائیاں، بھارتی حمایت یافتہ 9 خوارج ہلاک، فائرنگ کے تبادلے میں 2 بہادر جوان شہید

پاک فوج کی کارروائیاں

راولپنڈی (ڈیلی پاکستان آن لائن) پاک فوج کے شعبہ تعلقات عامہ (آئی ایس پی آر) کا کہنا ہے کہ سیکیورٹی فورسز نے خیبر پختونخوا میں مختلف کارروائیاں کی ہیں، جن میں 9 خوارج ہلاک ہوگئے۔

یہ بھی پڑھیں: قدرتی گیس کنکشنز کیلئے دی گئی 30 لاکھ سے زائد درخواستیں منسوخ

فائرنگ کے تبادلے کے نتائج

آئی ایس پی آر کے مطابق فائرنگ کے تبادلے میں سیکیورٹی فورسز کے 2 بہادر جوان شہید ہوئے۔ بھارتی حمایت یافتہ فتنہ الخوارج کے خلاف کارروائیاں 17 اور 18 مئی کو کی گئیں۔

یہ بھی پڑھیں: پاکستان بزنس کونسل شارجہ کی طرف سے “ انویسٹ ان شارجہ “ کے لئے پاکستان سے تعلق رکھنے والے سرمایہ کاروں کی گول میز کانفرنس کا اعلان

مختلف مقامات پر کاروائیاں

آئی ایس پی آر کے مطابق لکی مروت میں خوارج کے ٹھکانے پر موثر کارروائی میں بھارتی سپانسرڈ 5 خوارج مارے گئے۔ بنوں میں بھارتی سپانسرڈ خوارج کے خلاف کارروائی میں 2 خوارج ہلاک ہوئے۔ شمالی وزیرستان کے علاقہ میر علی میں دہشتگردوں نے سیکیورٹی فورسز کے قافلے پر حملہ کیا۔ سیکیورٹی فورسز نے دہشت گردوں کو مؤثر طریقے سے جواب دیا، جوابی کارروائی میں بھارتی سپانسرڈ 2 دہشت گرد مارے گئے۔