کیا 100 نہتے آدمی گوریلا کا مقابلہ کرسکتے ہیں؟ ماہر حیوانات نے مشہور سوال کا حیران کن جواب دے دیا

گوریلہ بمقابلہ 100 انسان: کون جیتے گا؟

لندن (ڈیلی پاکستان آن لائن) ماہرین نے اس مقبول سوال کا حتمی جواب دینے کی کوشش کی ہے کہ اگر 100 نہتے آدمیوں کا مقابلہ ایک گوریلا سے ہو تو کون جیتے گا۔ یونیورسٹی آف کینٹ کے ماہر ڈاکٹر نکولس نیوٹن فشر، جو جانوروں کے رویے پر تحقیق کرتے ہیں، نے اس سوال پر اپنی رائے دی ہے۔

یہ بھی پڑھیں: 9 مئی جلاؤ گھیراؤ کے مقدمات میں اہم پیشرفت، جے آئی ٹیز کی تفتیش مکمل، علیمہ اور عظمیٰ خان سمیت کون کون قصوروار قرار؟ جانیے

ڈاکٹر فشر کا تجزیہ

ڈیلی سٹار کی ایک رپورٹ کے مطابق ڈاکٹر فشر کا کہنا ہے کہ عام حالات میں گوریلے پرامن ہوتے ہیں اور وہ لوگوں کے ہجوم سے بچنے کی کوشش کریں گے۔ تاہم ایک فرضی لڑائی کے منظر نامے میں جہاں 100 عام آدمی بغیر ہتھیاروں کے ایک بڑے نر گوریلے کا مقابلہ کریں، تو اس کے دو ممکنہ نتائج ہو سکتے ہیں:

یہ بھی پڑھیں: معاشی محاذ پر ہم بہتر پوزیشن میں آگئے ہیں: وزیر خزانہ

انسانوں کی جیت

بڑی تعداد کے باعث انسان جیت سکتے ہیں لیکن اس کے لیے انہیں بہت زیادہ جانی نقصان برداشت کرنا پڑے گا۔ بہت سے حملہ آور مارے جائیں گے یا شدید زخمی ہوں گے۔ لیکن انسانوں میں اپنی جان بچانے کا فطری جذبہ اس اجتماعی حملے میں رکاوٹ بنے گا۔

یہ بھی پڑھیں: سٹرکیں بحال، پنجاب خوشحال پروگرام کے حوالے سے وزیر تعمیرات و مواصلات نے اہم تفصیلات شیئر کر دیں

گوریلے کی جیت

گوریلا اپنی غیر معمولی طاقت، بڑے دانتوں اور نفسیاتی برتری کی وجہ سے جیت سکتا ہے۔ ایک وقت میں صرف چند آدمی ہی اس تک پہنچ پائیں گے اور وہ خوف و دہشت پھیلا دے گا جو باقیوں کو پیچھے ہٹنے پر مجبور کر دے گا۔

حقیقت پسندانہ نتیجہ

ڈاکٹر فشر کے خیال میں سب سے زیادہ حقیقت پسندانہ نتیجہ یہ ہے کہ گوریلا لڑنے کے بجائے بھاگنے کی کوشش کرے گا اور جو بھی آدمی اس کے زیادہ قریب آنے کی کوشش کرے گا اسے مار دے گا۔ دوسری طرف انسان اتنے خوفزدہ ہوں گے یا اپنی جان بچانے کی اتنی پرواہ کریں گے کہ وہ درحقیقت گوریلے کا مقابلہ کرنے کی جرات ہی نہیں کریں گے، اور ایک دوسرے پر انحصار کرتے رہیں گے۔