پہلے جھکے نہ اب جھکیں گے، ہماری شہادت کی آرزو زندگی سے زیادہ ہے: ترجمان پاک فوج

راولپنڈی میں اہم بیان

راولپنڈی(ڈیلی پاکستان آن لائن) پاک فوج کے شعبہ تعلقات عامہ (آئی ایس پی آر) کے ڈائریکٹر جنرل لیفٹیننٹ جنرل احمد شریف چودھری نے کہا ہے کہ پاکستان پہلے جھکا ہے نہ اب جھکے گا، ہماری شہادت کی آرزو زندگی سے زیادہ ہے۔

یہ بھی پڑھیں: آیت اللہ علی خامنہ ای کے بعد ایران میں مزید ضدی نظام آگیا، ٹرمپ بھولا ہے اور اس جنگ میں پھنس چکا ہے، سابق امریکی وزیر دفاع لیون پینیٹا

خصوصی انٹرویو

چائنہ میڈیا گروپ کو دیے گئے خصوصی انٹرویو میں، ڈی جی آئی ایس پی آر لیفٹیننٹ جنرل احمد شریف چودھری نے بھارت کیساتھ کشیدگی، پاک چین تعلقات اور خطے کی صورتحال پر اپنی رائے کا اظہار کیا۔ انہوں نے چائنہ میڈیا گروپ کے ہر سوال کا تفصیلی اور حقائق پر مبنی جواب دیا۔

یہ بھی پڑھیں: آپریشن سندور، بھارت نے احمقانہ مقصد کی بھاری قیمت چکائی، انڈین تجزیہ کار

عالمی چیلنجز

لیفٹیننٹ جنرل احمد شریف چودھری کا کہنا تھا کہ دنیا کے جتنے بھی ممالک ہیں، سب کو بڑے چیلنجز کا سامنا ہے۔ بڑے ممالک کا ویژن بھی بڑا ہے اور لوگ انسانیت کی ترقی کی جانب دیکھ رہے ہیں۔

یہ بھی پڑھیں: لاہور میں ٹریفک قوانین کی خلاف ورزیوں پر جرمانے بڑھانے کی تجویز منظور

پاکستانی قوم کی عزم

انہوں نے کہا کہ پاکستانی قوم نہ تو پہلے جھکی تھی اور نہ ہم اب جھکیں گے۔ پہلے بھی کہتا رہا ہوں اور اب بھی کہتا ہوں کہ ہماری شہادت کی آرزو زندگی سے زیادہ ہے۔ چاہے کسی نے نیلی، سفید یا خاکی وردی پہن رکھی ہو، شہادت ہمارے لیے اعزاز ہے۔

یہ بھی پڑھیں: پاکستان اور امریکہ کی مشق انسپائرڈ گیمبٹ 2026 کا انعقاد

پاک چین تعلقات

ڈی جی آئی ایس پی آر کا کہنا تھا کہ پاکستان اور چین دنیا میں دو ذمہ دار ملک ہیں۔ دونوں کی پہلی ترجیح لوگوں کی فلاح و بہبود ہے۔ لوگوں کی خوشحالی ہمیشہ امن و استحکام سے آتی ہے۔ پاکستان اور چین دونوں خطے میں امن و استحکام کے فروغ کے لیے کوشاں ہیں، اور اس کے لیے ہم دہشتگردی کی لعنت سے لڑ رہے ہیں، جو ترقی کو روکنے کے لیے ہے۔

یہ بھی پڑھیں: لاہور قلندرز اور وزیر اعظم یوتھ پروگرام کا ٹیلنٹ ہنٹ مشن، حیدرآباد و شہید بینظیرآباد سے باصلاحیت کھلاڑیوں کا انتخاب مکمل

چین کی ترقی

لیفٹیننٹ جنرل احمد شریف چودھری نے کہا کہ چین نے انتہائی کم عرصے میں بڑی آبادی کے ساتھ جو ترقی کی ہے، اسے دنیا کو دیکھنا چاہیے۔ پاکستان کے عوام بھی یہی چاہتے ہیں کہ ہم ترقی اور استحکام کی جانب بڑھیں۔

یہ بھی پڑھیں: لاہور، اسکول جاتے ہوئے اغوا کی گئی 14 سالہ طالبہ چونگی امرسدھو کے علاقے سے بازیاب

امن کی پہلی ترجیح

ان کا کہنا تھا کہ ہماری پہلی ترجیح امن ہے۔ آج پاکستان کی گلیوں میں دیکھیں تو آپ کو فتح نہیں، امن کی خوشی مناتے لوگ نظر آئیں گے۔ پاکستان کے لوگوں میں انسانیت کی مثال نظر آتی ہے۔

اللہ کا شکر

ڈی جی آئی ایس پی آر نے مزید کہا کہ ہم عاجزی کے ساتھ اللہ کا شکر ادا کرتے ہیں، اور ہم اللہ تعالیٰ کے حضور سجدہ شکر ادا کرتے ہیں کیونکہ ہم امن پسند ہیں۔ آپ دیکھیں گے کہ انشاء اللہ پاکستان تیزی سے ترقی کرے گا۔