چیف الیکشن کمشنر کی الیکشن کمیشن کے ملازمین پر نوازشات، کروڑوں روپے کے اعزازیے 4 مختلف مراحل میں دیئے گئے

اسلام آباد (ڈیلی پاکستان آن لائن) چیف الیکشن کمشنر سردار سکندر سلطان راجہ نے الیکشن کمیشن کے ملازمین پر نوازشات کردیں۔ الیکشن کمیشن کے ملازمین کو 5 ماہ میں 4 اعزازیوں سے نوازا گیا۔

یہ بھی پڑھیں: خواجہ آصف نے 18ویں آئینی ترمیم کو ڈھکوسلہ کہنے کی وجہ بتادی

اعزازیوں کی تفصیلات

نجی ٹی وی سما نیوز کے مطابق، الیکشن کمیشن ملازمین کو دیئے گئے اعزازیوں کی دستاویزات سامنے آ گئی ہیں۔ دستاویز کے مطابق ملازمین کو جنوری، فروری، مارچ اور مئی میں اعزازیے دیئے گئے۔ یہ کروڑوں روپے کے اعزازیے 4 مختلف مراحل میں دیئے گئے، جنہیں الیکشن کمیشن کے مختص بجٹ سے فراہم کیا گیا۔

یہ بھی پڑھیں: پروفیسر اقبال چوہدری: سرکاری سکول سے تعلیم حاصل کرنے والے سائنسدان جن کے نام پر چین میں تحقیقاتی مرکز قائم کیا گیا

ملازمین کی درجہ بندی

دستاویز کے مطابق، گریڈ 2 سے 9 تک کے ملازمین کو 4 بنیادی تنخواہیں دی گئیں، گریڈ 11 سے 17 کے ملازمین کو 3 بنیادی تنخواہیں بطور اعزازیہ ملیں، جبکہ گریڈ 18 سے اوپر کے ملازمین کو 2 بنیادی تنخواہیں دی گئیں۔

محروم ملازمین

دستاویز کے مطابق، انضباطی انکوائریز کا سامنا کرنے والے اور مقدمات والے ملازمین کو اعزازیے نہیں ملے۔ مزید برآں، 30 جنوری سے پہلے چھٹیوں پر گئے ملازمین بھی اعزازیے سے محروم رہے۔