لاہور میں سگے اور سوتیلے باپ نے غیرت کے نام پر لڑکی کو قتل کردیا۔

قتل کی تفتیش میں اہم پیش رفت

لاہور(ڈیلی پاکستان آن لائن) شہر میں 19 سالہ لڑکی کے قتل کی تفتیش میں اہم پیش رفت ہوئی ہے۔ سوتیلے باپ نے سگے باپ کی معاونت سے فریحہ کو قتل کیا۔ پولیس نے سوتیلے باپ کو گرفتار کرلیا۔

یہ بھی پڑھیں: میری زندگی 5 بنیادی میلانات کے گرد گھومتی ہے، نوکری چاکری، سیاحت، دوستی، عشق اور انسانیت۔سبھی کی اپنی اپنی مٹھاس اور کڑواہٹ ہے

لاش کی دریافت اور تشدد کے نشانات

پولیس کے مطابق فریحہ عروج کی لاش 18 مئی کو خالی پلاٹ میں کچرے کے ڈھیر سے ملی۔ لڑکی کی گردن پر تشدد کے نشانات تھے۔ تفتیشی حکام کے مطابق کلوز سرکٹ فوٹیج کی مدد سے لاش پھینکنے والے شخص کی شناخت کی تو انکشاف ہوا کہ ملزم مقتولہ کا سوتیلا باپ شہباز ہے۔

ملزم کا اعتراف اور غیرت کے نام پر قتل کا شبہ

ملزم کو گرفتار کیا گیا تو اس نے بتایا کہ مقتولہ فریحہ کو سگے باپ شوکت کی معاونت سے قتل کیا گیا۔ ابتدائی تفتیش میں پولیس نے شبہ ظاہر کیا ہے کہ لڑکی کو غیرت کے نام پر قتل کیا گیا۔ لڑکی کے حقیقی والد شوکت کی گرفتاری کی کوششیں جاری ہیں۔