صدر، وزیراعظم اور وزیر داخلہ کی خضدار میں سکول بچوں کی بس پر دہشتگردانہ حملے کی مذمت

دہشتگردی کا واقعہ

اسلام آباد(ڈیلی پاکستان آن لائن) صدر مملکت آصف علی زرداری، وزیراعظم شہبازشریف اور وزیر داخلہ محسن نقوی نے خضدار میں سکول بچوں کی بس پر دہشتگردانہ حملے کی شدید الفاظ میں مذمت کی ہے۔

یہ بھی پڑھیں: خواتین اور بچوں پر تشدد کرنیوالوں سے نرمی نہیں برتی جائے گی: گھریلو تشدد کی شکار 13سالہ بچی سے چیئرپرسن ویمن پروٹیکشن اتھارٹی کی ملاقات

معصوم جانوں کا نقصان

نجی ٹی وی چینل جیو نیوز کے مطابق صدر مملکت اور وزیراعظم نے دہشتگرد حملے میں معصوم بچوں اور ان کے اساتذہ کی شہادت پر رنج و ملال کا اظہار کیا ہے، صدر زرداری اور وزیراعظم شہبازشریف نے بچوں کے والدین کے ساتھ ہمدردی کا اظہار کیا ہے۔

یہ بھی پڑھیں: غیرقانونی بھرتیاں: پرویز الہٰی سمیت دیگر ملزمان فرد جرم کیلئے طلب

وزیراعظم کی ہدایت

وزیراعظم شہبازشریف نے ذمے داران کے فوری تعین اور انہیں قرار واقعی سزا دلوانے کی ہدایت کی، وزیراعظم نے واقعے میں زخمیوں کو ترجیحی بنیادوں پر فوری طبی امداد فراہم کرنے کی ہدایت کی۔

وزیر داخلہ کا ردعمل

ادھر وزیر داخلہ محسن نقوی نے خضدار میں سکول بس پر بھارتی سپانسرڈ دہشتگردوں کے حملے کی شدید مذمت کی ہے، وزیر داخلہ نے 3 بچوں سمیت 5 افراد کے جاں بحق ہونے پر دکھ اور افسوس کا اظہار کیا، محسن نقوی نے جاں بحق افراد کے لواحقین سے دلی ہمدردی اور تعزیت کا اظہار کیا۔