اگر جنگ ہوئی تو نتائج صرف پاکستان تک محدود نہیں رہیں گے: بلاول بھٹو

بلوچستان بھٹو زرداری کا بیان

اسلام آباد (ڈیلی پاکستان آن لائن) چیئرمین پیپلز پارٹی اور وزیراعظم کی جانب سے بھارتی پروپیگنڈے کے جواب میں عالمی سفارتی مہم کے لئے قائم کی گئی کمیٹی کے سربراہ بلاول بھٹو زرداری کا کہنا ہے کہ بھارت پانی کو اسلحے کے طور پر استعمال کر رہا ہے، جوہری ممالک کے درمیان جنگ ہوئی تو نتائج صرف پاکستان تک محدود نہیں رہیں گے۔

یہ بھی پڑھیں: ویڈیو: لاہور پولیس کے حاضر سروس سب انسپکٹر کی سوسائٹی مالک کے دفتر میں ڈکیتی، ایک اور کارنامہ سامنے آگیا

میڈیا سے گفتگو

نجی ٹی وی جیو نیوز کے مطابق اسلام آباد میں میڈیا سے گفتگو کرتے ہوئے بلاول بھٹو زرداری نے کہا کہ دہشتگردی سے پاکستان سب سے زیادہ متاثر ہوا، دہشتگردی سے خطے کو پاک کرنے کا کوئی حل نکالنا چاہئے۔

یہ بھی پڑھیں: تم اِن حالات سے باہر تو نکلو ۔۔۔

پانی کا مسئلہ

ان کا کہنا تھا کہ بھارت پانی کو اسلحہ کے طور پر استعمال کر رہا ہے، پانی کے مسئلے پر آنے والی نسلیں جنگ لڑیں گی؟ یہ افسوسناک ہے، جوہری ممالک کے درمیان جنگ ہوئی تو نتائج صرف پاکستان تک محدود نہیں رہیں گے۔

یہ بھی پڑھیں: بھارت سے کشیدگی کے باوجود سکھ یاتریوں کی کرتار پور آمد

امن کا پیغام

انہوں نے کہا کہ پاکستان کا پیغام امن کا پیغام ہے اور اسے دنیا بھر میں پہنچا رہے ہیں۔ مودی نے بے بنیاد الزامات لگائے، وزیراعظم شہباز شریف نے غیر جانبدارانہ تحقیقات کا مطالبہ کیا، بھارت کا موقف بہت کمزور ہے۔

یہ بھی پڑھیں: پہلگام واقعے کے پہلے ہی دن سے عالمی برداری میں پاکستان کا پلڑا بھاری تھا ، اسحاق ڈار

سندھ طاس معاہدے کی خلاف ورزی

سفارتی کمیٹی کے سربراہ کا کہنا تھا کہ بھارت نے سندھ طاس معاہدے کی خلاف ورزی کی، پانی کے مسئلے کا حل نکالنے کی ضرورت ہے، آنے والی نسلوں کی ذمہ داری ہے کہ نئے مستقبل کے لئے جدوجہد کرنی ہے۔

یہ بھی پڑھیں: پنجاب پولیس کے 2 شیر دل جوانوں کا نہتے غریب مزدور پر بیچ چورہے تشدد، شرمناک ویڈیو بھی سامنے آگئی

مصدق ملک کا بیان

سفارتی کمیٹی کے رکن مصدق ملک کا کہنا تھاکہ بھارت نے جارجیت کر کے نیا نارمل کرنے کی کوشش کی، بغیر شواہد کے الزامات لگانے کا بیانیہ ہم نے دفن کیا ہے۔ ہم امن پسند لوگ ہیں، امن سے رہنا چاہتے ہیں، کسی نے جارحیت کی کوشش کی تو جواب اس سے کہیں زیادہ ہوگا جو حال ہی میں ہوا ہے۔

یہ بھی پڑھیں: سعودی عرب میں آج یکم ربیع الاول ،پاکستان میں بھی چاندنظر آنے کا امکان

بھارت کے دعوے

مصدق ملک کا کہنا تھا کہ اس جنگ میں بھارت نے عام شہریوں کو نشانہ بنایا، بھارت کا جو گھمنڈ تھا وہ ٹوٹ گیا۔ پچھلی مرتبہ بھارت نے کہا کہ رافیل ہوتا تو ایسا ہوتا ویسا ہوتا، ہم نے ان کے رافیل کو پرندوں کی طرح پھڑپھڑاتے ہوتے نیچے گرتے دیکھا۔

خرم دستگیر کا موقف

سابق وفاقی وزیر خرم دستگیر کا کہنا تھاکہ بھارت آبی جارحیت کر رہا ہے۔ بھارت کا مسلم مخالف اور پاکستان مخالف بیانیہ اسے جنگ میں جھونک رہا ہے، بھارت غیر ذمے دار ریاست ہے، اور اس کا رویہ جارحانہ ہے۔