اسحاق ڈار کی دورہ چین کے دوران چینی وزیر خارجہ سے اہم ملاقات، دو طرفہ تعلقات پر تبادلہ خیال

اسلام آباد میں ملاقات

اسلام آباد (ڈیلی پاکستان آن لائن) دفتر خارجہ کے ترجمان نے کہا کہ وزیرِ خارجہ اسحاق ڈار نے چینی وزیرِ خارجہ سے ملاقات کی، جس میں جنوبی ایشیاء کی صورتِ حال اور دوطرفہ تعلقات پر تبادلہ خیال ہوا۔

یہ بھی پڑھیں: بھارت کے حملے کا جواب دے دیا، اگر اب بھارت نے جارحیت کی تو جواب ہائی ویلیو ٹارگٹ ہونگے، شاہ زیب خانزادہ نے بڑی خبر دے دی

چین کے تعاون پر شکریہ

ترجمان نے کہا کہ اسحاق ڈار نے پاکستان کی خود مختاری کے دفاع پر چین کے تعاون کا شکریہ ادا کیا۔ پاکستان چین کے کلیدی مفادات پر مکمل حمایت جاری رکھے گا۔ اس موقع پر گفتگو کرتے ہوئے وزیرِ خارجہ اسحاق ڈار نے کہا کہ مسئلہ کشمیر کا حل علاقائی امن کےلیے ناگزیر ہے۔

یہ بھی پڑھیں: اقتدار جانے کے بعد اہلیہ بھی چھوڑنے کو تیار، بشار الاسد کی اہلیہ نے روسی عدالت میں خلع کی درخواست دائر کردی

چین کا پاکستان سے تعلقات کے بارے میں بیان

چینی وزیرِ خارجہ چین وانگ ای نے کہا کہ چین پاکستان کا آہنی بھائی اور اسٹریٹجک پارٹنر ہے۔ چین پاکستان کے ساتھ تعلقات کو نئی بلندیوں تک لے جانا چاہتا ہے، اور پاکستان کی خود مختاری اور ترقی کے سفر کی حمایت جاری رکھے گا۔

یہ بھی پڑھیں: دریائے چناب میں پانی کی آمد میں اچانک بڑی کمی ریکارڈ

دوطرفہ تعلقات پر اطمینان

ترجمان دفتر خارجہ نے کہا کہ دونوں وزرائے خارجہ نے دو طرفہ تعلقات پر اطمینان کا اظہار کیا۔ تجارت، سرمایہ کاری، زراعت اور صنعت کے شعبوں میں تعاون بڑھانے پر اتفاق ہوا۔ سی پیک فیز ٹو کی پیشرفت پر دونوں رہنماؤں نے اطمینان کا اظہار کیا۔

سی پیک اور مشترکہ کوششیں

ترجمان کا کہنا تھا کہ سی پیک میں تھرڈ پارٹی شمولیت کے نئے مواقع پر بھی گفتگو ہوئی۔ علاقائی ترقی، امن اور استحکام کےلیے مشترکہ کوششوں پر اتفاق ہوا ہے۔ دونوں ممالک نے قریبی روابط اور تعاون جاری رکھنے پر اتفاق کیا۔