مسلم لیگ (ن) کی پارلیمانی پارٹی اجلاس کی قرارداد

اجلاس کی تفصیلات

لاہور (ڈیلی پاکستان آن لائن) پاکستان مسلم لیگ(ن) کی پارلیمانی پارٹی کا اجلاس وزیراعلیٰ پنجاب مریم نواز کی صدارت میں ہوا۔ اجلاس میں درج ذیل متفقہ قرارداد منظور کی گئی۔

یہ بھی پڑھیں: بنوں کے علاقے جانی خیل میں مارٹر گولہ پھٹنے سے دو بھائیوں سمیت 3 بچے جاں بحق

بھارت کی جارحیت کی مذمت

اجلاس بھارت کی پاکستان کے خلاف جارحیت اور بلاجواز جنگ مسلط کرنے کی شدید الفاظ میں مذمت کرتا ہے جس میں معصوم بچوں، خواتین سمیت پاکستان کے عام شہریوں، اور مساجد کو شہید کیا گیا۔ اجلاس اپنے تمام شہداء کو عقیدت کے پھول پیش کرتا ہے، اْن کے اہل خانہ کے حوصلے اور صبر کو خراج تحسین پیش کرتا ہے اور غازیوں کو سلام پیش کرتا ہے۔

یہ بھی پڑھیں: 121 گاڑیوں کے لاک توڑ کر چوری کرنے والے لڑکے کو 5 گھنٹے بعد رہا کردیا گیا

مسلح افواج کو سراہا گیا

اجلاس اپنی بہادر مسلح افواج کو سلام پیش کرتا ہے جنہوں نے 6 اور 7 مئی اور پھر 10 مئی کو آپریشن بنیان مرصوص کے ذریعے دشمن کا جدید ہتھیاروں اور جنگی جنون کا غرور خاک میں ملا دیا۔

یہ بھی پڑھیں: راولپنڈی ٹیسٹ کے لئے انگلش ٹیم کا اعلان، تین سپنرز شامل

عسکری قیادت کی تعریف

اجلاس چیئرمین جوائنٹ چیفس آف سٹاف کمیٹی جنرل ساحر شمشاد مرزا، چیف آف آرمی سٹاف جنرل سید عاصم منیر، فضائیہ کے سربراہ ائیر چیف مارشل ظہیر احمد بابر سدھو، اور بحریہ کے سربراہ ایڈمرل نوید اشرف سمیت پاک فوج کے افسران و جوانوں، انٹیلی جنس اداروں کو خراج تحسین پیش کرتا ہے۔ ان کی عسکری مہارت اور دفاع وطن کے بے مثال جذبے کی وجہ سے پاکستان اور 24 کروڑ پاکستانی سربلند ہوئے ہیں۔

یہ بھی پڑھیں: وزیراعلی خیبرپختونخوا تمام حدود پار کر رہے ہیں: وزیر داخلہ محسن نقوی

نواز شریف اور شہباز شریف کا کردار

اجلاس پاکستان مسلم لیگ (ن) کے قائد محمد نواز شریف کو خراج تحسین پیش کرتا ہے جنہوں نے اس نازک اور فیصلہ کن مرحلے پر وفاقی حکومت کی راہنمائی کی۔ اجلاس وزیراعظم محمد شہباز شریف کو بھی زبردست خراج تحسین پیش کرتا ہے جنہوں نے ملک کو دیوالیہ ہونے سے بچانے اور بھارت کی مسلط کردہ جنگ کے دوران دفاع وطن کے تقاضے نبھانے میں تاریخی کردار ادا کیا۔

یہ بھی پڑھیں: بی این پی مینگل کے سینیٹر کا آئینی ترمیم کے حق میں ووٹ دینے کا اعلان

جنرل عاصم منیر کی عسکری قیادت

اجلاس خاص طور پر بری فوج کے سربراہ جنرل سید عاصم منیر کی بے مثال عسکری قیادت کی تعریف کرتا ہے اور بھارتی کو جنگ کے میدان میں شکست دینے پر فیلڈ مارشل کا اعلیٰ ترین عسکری اعزاز دینے کا مطالبہ کرتا ہے۔

یہ بھی پڑھیں: بھارت: جہیز کے معاملے پر سسرالیوں نے خاتون کو بیٹے کے سامنے زندہ جلادیا

مریم نواز کی قیادت

اجلاس وزیراعلیٰ پنجاب مریم نواز کو بھی خراج تحسین پیش کرتا ہے جنہوں نے عوامی اور انتظامی محاذ پر بروقت فیصلے کیے۔ انہوں نے قوم کا جذبہ بڑھایا اور بھرپور عوامی حمایت کے ذریعے مسلح افواج کے جذبے کو بلند کیا۔

یہ بھی پڑھیں: لودھراں میں خاتون سے مبینہ اجتماعی زیادتی، مقدمہ درج

پاکستانی عوام کی شان

اجلاس پاکستان کے عوام کو سلام پیش کرتا ہے جو آزمائش کی گھڑی میں ایک وجود بن گئے۔ اجلاس تمام سیاسی جماعتوں کی تعریف کرتا ہے جنہوں نے فروعی اختلافات کو بالائے طاق رکھ دیا۔

یہ بھی پڑھیں: وسیم اکرم فخر زمان سے متعلق بول پڑے

میڈیا کی کاوشیں

اجلاس میڈیا کو بھی خراج تحسین پیش کرتا ہے جس نے بھارتی جھوٹ کو بے نقاب کیا اور دنیا بھر میں اپنی پیشہ ورانہ قابلیت کا اعتراف کرایا۔

خضدار میں حملے کی مذمت

اجلاس خضدار میں سکول بس پر دہشت گردوں کے بہیمانہ حملے کی شدید ترین الفاظ میں مذمت کرتا ہے اور متاثرہ خاندانوں سے دلی ہمدردی کا اظہار کرتا ہے۔ اجلاس میں شہداء کے درجات کی بلندی اور اہل خانہ کے لیے صبر جمیل کی دعا کی گئی۔