سانحہ خضدار کے حوالے سے ہم جو کہہ رہے ہیں، اُس کا ثبوت دیں گے، خواجہ آصف

وزیر دفاع کا بیان

اسلام آباد (ڈیلی پاکستان آن لائن) وزیر دفاع خواجہ محمد آصف نے کہا ہے کہ خضدار واقعے پر ہم جو کہہ رہے ہیں، اُس کا ثبوت دیں گے۔

یہ بھی پڑھیں: تنخواہ دار طبقے نے 9 مہینے میں 391 ارب روپے انکم ٹیکس ادا کیا ہے ،مفتاح اسماعیل

کالعدم بی ایل اے کی سرگرمیاں

''جنگ'' کے مطابق میڈیا سے گفتگو میں خواجہ آصف نے کہا کہ کالعدم بی ایل اے بھارتی پراکسی کے طور پر کام کررہی ہے۔ خضدار واقعے پر ہم جو کہہ رہے ہیں اس کا ثبوت دیں گے، بھارت پیسہ دیتا ہے، ٹی ٹی پی اور بی ایل اے یہاں خونریزی کرتی ہیں۔

بھارت کی فوجی موجودگی

وزیر دفاع نے مزید کہا کہ مقبوضہ کشمیر میں بھارت نے 9 لاکھ فوج رکھی ہوئی ہے، ہم کہہ رہے ہیں کہ پہلگام واقعے کی تحقیقات کرائی جائے۔ حالیہ پاک ،بھارت جنگ میں ہم نے 3 سے 4 دن بہت تحمل کا مظاہرہ کیا۔