سرگودھامیں نوازشریف فلائی اوورہیڈ برج کاافتتاح، منصوبے کی8 ماہ کی ریکارڈ مدت میں تکمیل, روزانہ 30 ہزار سے زائد گاڑیاں مستفید ہونگی

وزیراعلیٰ پنجاب کا افتتاح

لاہور (ڈیلی پاکستان آن لائن) وزیراعلیٰ پنجاب مریم نواز نے سرگودھا کے سب سے بڑے نوازشریف فلائی اوور ہیڈ برج کا افتتاح کردیا۔ وزیر اعلیٰ نے خود اس ہیڈ برج کا دورہ کیا۔

یہ بھی پڑھیں: امریکہ میں پینی بننا بند، 114 ارب سکوں کا کیا بنے گا؟

پروject کی تفصیلات

صوبائی وزیر صہیب احمد بھرتھ نے نواز شریف فلائی اوور کے متعلق بریفنگ دی اور بتایا کہ اس منصوبے کو 8 ماہ کی ریکارڈ مدت میں مکمل کیا گیا۔ وزیر اعلیٰ نے نواز شریف فلائی اوور کا معائنہ کیا اور تعمیراتی معیار کو سراہا۔

یہ بھی پڑھیں: پنجاب میں اونچے درجے کا سیلاب، لاکھوں شہری متاثر، 22 افراد جاں بحق، متعدد لاپتہ

لاگت اور لمبائی

بریفنگ میں بتایا گیا کہ 2.2 ارب کی لاگت سے مکمل ہونے والا نواز شریف فلائی اوور 1.3 کلومیٹر طویل ہے۔ روزانہ کی بنیاد پر اس فلائی اوور سے 30 ہزار سے زائد گاڑیاں مستفید ہوں گی۔

شہریوں کے لئے فوائد

نواز شریف فلائی اوور کے زریعے خوشاب، میانوالی اور بھکر کی تمام تحصیلوں سے سرگودھا آنے والے شہری مستفید ہوں گے۔ اس کے اطراف میں سروس روڈ اور سیور چینل باکس بھی مکمل ہوگیا ہے۔