ہیٹ و یو، عوام سے احتیاطی تدابیر اختیار کرنے کی اپیل، وزیر اعلیٰ کا ریسکیو اداروں کو انتظامات مکمل کرنے کا حکم

پنجاب میں ہیٹ ویو کا خطرہ

لاہور (ڈیلی پاکستان آن لائن) وزیراعلیٰ پنجاب مریم نواز نے ملتان اور ڈیرہ غازی خان میں شدید ہیٹ ویو کے پیش نظر متعلقہ انتظامیہ کو الرٹ رہنے کا حکم دیا۔ لاہور، فیصل آباد اور سرگودھا میں بھی ممکنہ ہیٹ ویو کی صورتحال کے پیش نظر متعلقہ ریسکیو اداروں کو انتظامات مکمل کرنے کی ہدایت کی۔

یہ بھی پڑھیں: پاکستان نے انٹرنیٹ کمپنی سٹارلنک کو فوری لائسنس جاری نہ کرنے کا فیصلہ کرلیا کیونکہ ۔ ۔ ۔

عوامی احتیاطی تدابیر

وزیراعلیٰ نے بچوں، بزرگوں اور بیماروں کو گھروں سے بلا ضرورت نہ نکلنے کی ہدایت کی اور عوام کو احتیاطی تدابیر اختیار کرنے کی اپیل کی۔

یہ بھی پڑھیں: نواز شریف کا برطانیہ سے فوری پاکستان آنے کا فیصلہ، اہم اجلاس طلب

مویشیوں اور پرندوں کی دیکھ بھال

وزیر اعلیٰ نے فارمز کو مویشیوں کے لیے سایہ اور وافر پانی مہیا کرنے کی ہدایت کی، ساتھ ہی شدید گرمی میں چھتوں پر پرندوں کے لیے ٹھنڈا پانی رکھنے کی بھی اپیل کی ہے۔

یہ بھی پڑھیں: وزیرِ خارجہ اسحاق ڈار کی بنگلہ دیش کے مشیر برائے امور خارجہ توحید حسین سے ملاقات

تعلیمی اداروں میں ہدایات

وزیراعلیٰ مریم نواز نے تمام سرکاری و نجی اداروں میں اوپن ایئر سرگرمیاں معطل کرنے کا حکم دیا اور طلبہ کیلئے تمام کلاس رومز میں کم از کم پنکھے فنکشنل کرنے کی ہدایت کی ہے۔ انہوں نے سکول انتظامیہ کو طلبہ کے ڈریس کوڈ میں نرمی برتنے کی ہدایت دی اور سکولوں اور اداروں میں فرسٹ ایڈ باکس کی موجودگی یقینی بنانے کا حکم دیا۔

یہ بھی پڑھیں: ماسکو کی جانب آنے والے چار یوکرینی ڈرونز مار گرائے گئے

بازاروں میں سہولیات فراہم کرنے کی ہدایت

وزیراعلیٰ مریم نواز نے پرہجوم بازاروں میں سایہ، او آر ایس ملا پانی، فرسٹ ایڈ کاؤنٹر اور واٹر کولر فراہم کرنے کا حکم دیا اور بس اور ویگن سٹینڈ میں مسافروں کے لیے مناسب سایہ دار جگہ، پانی اور مسٹ فین یقینی بنانے کی ہدایت کی۔

کسانوں کے لئے احتیاطی تدابیر

وزیراعلیٰ مریم نواز نے ملتان اور بہاولپور ڈویژن میں کاشت کار بھائیوں کو سخت گرمی کے پیش نظر احتیاط برتنے کی ہدایت کی اور متعلقہ اضلاع میں ریسکیو 1122 اور ہیلتھ سروسز کو الرٹ رکھنے کا حکم بھی دیا۔