پاکستان کو رواں مالی سال ملنے والے بیرونی قرضوں اور گرانٹس کی تفصیلات سامنے آگئیں

پاکستان کی مالی حالت

اسلام آباد (ویب ڈیسک) پاکستان کو رواں مالی سال ملنے والے بیرونی قرضوں اور گرانٹس کی تفصیلات سامنے آگئیں۔

یہ بھی پڑھیں: کراچی میں ٹماٹر کی قیمت میں نمایاں کمی

بیرونی فنڈز کی تفصیلات

جیو نیوز کو موصول دستاویزات کے مطابق پاکستان کو رواں مالی سال 10 ماہ میں 6 ارب ڈالر سے زائد کے فنڈز ملے ہیں جن میں 5 ارب 92 کروڑ ڈالر قرضہ اور 15 کروڑ 83 لاکھ ڈالر گرانٹ شامل ہے۔

یہ بھی پڑھیں: طلال چودھری، ایویں سہیل آفریدی کے پیچھے پڑنے کی بجائے اپنی تنظیم سازی پر توجہ دیں، شیخ وقاص اکرم

آئی ایم ایف اور دیگر ممالک سے معاونت

دستاویزات میں بتایا گیا ہے کہ 10 ماہ میں آئی ایم ایف سے ملنے والے 2.1 ارب ڈالر اس کے علاوہ ہیں جب کہ سعودی عرب، یو اے ای اور چین نے 6 ارب ڈالر کے ڈپازٹس رول اوور بھی کیے۔

یہ بھی پڑھیں: امریکہ میں پینی بننا بند، 114 ارب سکوں کا کیا بنے گا؟

مالی اداروں سے وصولیاں

دستاویزات کے مطابق جولائی تا اپریل عالمی مالیاتی اداروں سے 2 ارب 97 کروڑ ڈالر ملے، اس دوران چین اور امریکا سمیت مختلف ممالک نے پاکستان کو 37 کروڑ ڈالر قرض دیا جب کہ پاکستان نے 10 ماہ میں 76 کروڑ ڈالر کا بیرونی کمرشل قرضہ حاصل کیا۔

یہ بھی پڑھیں: پیپلزپارٹی کا وزیراعظم آزاد کشمیر چودھری انوار الحق کے خلاف تحریک عدم اعتماد پر اتفاق،مشاورت مکمل کر لی گئی

نیا پاکستان سرٹیفکیٹ اور ترقیاتی فنڈز

اقتصادی امور ڈویژن کے مطابق نیا پاکستان سرٹیفکیٹ سے ایک ارب 61 کروڑ ڈالر حاصل ہوئے جب کہ مختلف ترقیاتی منصوبوں کے لیے 2 ارب 63 کروڑ ڈالر حاصل ہوئے۔

یہ بھی پڑھیں: مائنس ون یعنی الطاف حسین فارمولہ، نہیں تو پھر پوری پی ٹی آئی مائنس، فیصل واوڈا

بجٹ سپورٹ

اس کے علاوہ پاکستان کو بجٹ سپورٹ کی مد میں 10 ماہ میں 3 ارب ڈالر سے زائد حاصل ہوئے۔

مالی معاونت کا ہدف

دستاویزات میں یہ بھی بتایا گیا ہے کہ رواں مالی سال بیرونی مالی معاونت کا ہدف 19 ارب 39 کروڑ ڈالر ہے۔