حکومت سندھ کا خواتین کو ای وی اسکوٹیز دینے کے لیے اگلے ماہ قرعہ اندازی کا فیصلہ

حکومت سندھ کا ای وی اسکوٹیز کی فراہمی کا فیصلہ

کراچی (ویب ڈیسک) حکومت سندھ نے خواتین کو ای وی اسکوٹیز دینے کیلئے اگلے ماہ قرعہ اندازی کا فیصلہ کرلیا۔

یہ بھی پڑھیں: عالیہ بھٹ کی بہن شاہین نے فٹنس کوچ کے ساتھ اپنے رشتے کی تصدیق کردی

محکمہ ٹرانسپورٹ کا اجلاس

جیو نیوز کے مطابق سندھ کے سینئر وزیر شرجیل میمن کی زیر صدارت محکمہ ٹرانسپورٹ کا اجلاس ہوا جس دوران پروجیکٹ ڈائریکٹر یلو لائن نے بی آر ٹی منصوبے سے متعلق بریفنگ دی۔

یہ بھی پڑھیں: سانحہ 9 مئی، فوجی عدالتوں میں سویلین کے ٹرائل سمیت اہم درخواستوں پر سماعت آج ہو گی

منصوبے کی اہم معلومات

یلو لائن کے پروجیکٹ ڈائریکٹر نے بتایا کہ جام صادق پل اس منصوبے کا اہم حصہ ہے۔ اس منصوبے کی اصل تکمیل کی تاریخ ستمبر 2025 تھی تاہم منصوبے کو مقررہ مدت سے قبل مکمل کر لیا جائے گا جبکہ ڈپو 1 اور 2 کی تعمیر بھی جاری ہے، کوشش ہے کہ وقت سے پہلے مکمل ہو۔

یہ بھی پڑھیں: ایران کا شکریہ کہ حملے سے پہلے اطلاع دی، دنیا کو مبارک ہو، اب وقت ہے امن کا: ڈونلڈ ٹرمپ

ریڈ لائن بی آر ٹی کی پیشرفت

اجلاس میں سی ای او ٹرانس کراچی فواد غفارسومرو نے بھی ریڈ لائن بی آر ٹی کی پیشرفت پر بریفنگ دی۔ اس کے علاوہ ترجمان نے بتایا کہ حکومت سندھ نے خواتین کو ای وی اسکوٹیز دینے کیلئے اگلے ماہ قرعہ اندازی کا فیصلہ کیا ہے۔ پہلے مرحلے میں ایک ہزار خواتین کو ای وی اسکوٹیز دینے کی تیاریاں مکمل کر لی گئی ہیں۔

شرجیل میمن کا بیان

اس موقع پر شرجیل میمن نے کہا کہ ای وی ٹیکسی اور اسکوٹیز روزگار، خواتین کی سہولت اور ماحولیات کیلئے اہم ہیں۔ کوشش ہے کہ جون 2025 میں ای وی اسکوٹی کے ساتھ ای وی ٹیکسی پر بھی کام شروع کریں۔