فیلڈ مارشل عاصم منیر کی جانب سے صدر اور وزیراعظم سمیت سیاسی قیادت کو عشائیہ دیا گیا
عشائیہ کی تقریب
راولپنڈی (ڈیلی پاکستان آن لائن) آرمی چیف فیلڈ مارشل عاصم منیر نے صدر مملکت اور وزیراعظم سمیت سیاسی قیادت کو عشائیہ دیا۔
یہ بھی پڑھیں: آپ کیا ان کو جھکا سکتے ہیں؟
شرکاء کی فہرست
نجی ٹی وی جیو نیوز کے مطابق، آئی ایس پی آر کے اعلامیہ کے مطابق عشائیے میں شامل ہونے والوں میں صدر مملکت آصف زرداری، وزیراعظم شہباز شریف، نائب وزیراعظم اسحاق ڈار، چیئرمین پاکستان پیپلز پارٹی بلاول بھٹو زرداری، وفاقی وزرا، صوبائی گورنرز، وزرائے اعلیٰ، چیئرمین جوائنٹ چیفس آف سٹاف کمیٹی، سروسز چیفس اور دیگر عسکری حکام شامل تھے۔
یہ بھی پڑھیں: اور اب پاکستان کیلئے جاسوسی کے الزام میں بھارت میں گرفتاریاں، گرفتار ہونیوالے کون، تعلق کس ریاست سے ہے؟ جانیے
عسکری قیادت کی شکرگزاری
آئی ایس پی آر کے مطابق، فیلڈ مارشل عاصم منیر نے معرکہ حق کے دوران سیاسی قیادت کی دوراندیشی اور اسٹریٹیجک بصیرت پر اظہار تشکر کیا اور آپریشن "بُنْيَانٌ مَّرْصُوْص" کی کامیابی میں تینوں افواج کے درمیان ہم آہنگی کو سراہا۔
یہ بھی پڑھیں: ٹرمپ کے گرین لینڈ پر قبضے کے پلان کا ناسا کی خفیہ تحقیق سے کیا تعلق ہے؟
بھارتی پروپیگنڈے کے خلاف دفاع
آرمی چیف نے بھارتی پروپیگنڈا مہم کے خلاف پاکستانی نوجوانوں اور میڈیا کے ناقابل تسخیر کردار کو "آہنی دیوار" قرار دیا۔
شرکاء کا خراج تحسین
شرکاء نے اس فیصلہ کن دور میں قوم کی رہنمائی کرنے والی مدبرانہ قیادت کو خراجِ تحسین پیش کیا اور افواجِ پاکستان کی جرات و قربانی اور پاکستانی عوام کی پختہ حب الوطنی کو سراہا۔
