نیپرا نے کے الیکٹرک کے لیے 7 سالہ ٹیرف کی منظوری دے دی
نیپرا کی ٹیرف کی منظوری
کراچی (ڈیلی پاکستان آن لائن) نیپرا نے کے الیکٹرک کیلئے سات سالہ ٹیرف کی منظوری دے دی۔ کمپنی کو بجلی ڈسٹری بیوشن بزنس پر تین روپے اکتیس پیسے فی یونٹ کا ٹیرف دیا گیا ہے۔
یہ بھی پڑھیں: ویڈیو: پنجاب حکومت کا قبضہ مافیا کے خلاف گرینڈ آپریشن، 90 دنوں میں فیصلہ، شکایت کا اندراج کیسے ہوگا؟ اہم تفصیلات جانیے
کے الیکٹرک کی درخواست
ترجمان نیپرا کے مطابق، کے الیکٹرک نے بجلی ڈسٹری بیوشن بزنس کے لیے تین روپے تراسی پیسے کا ٹیرف مانگا تھا، مگر انہیں سات سال کیلئے تین روپے اکتیس پیسے فی یونٹ کا ٹیرف دیا گیا ہے۔
یہ بھی پڑھیں: علی پور کے 19 دیہات میں ٹینٹ سٹی قائم، امدادی سامان کی ترسیل، فیلڈ ہسپتال بھی موجود
ریٹرن آن ایکوئٹی کی تفصیلات
بجلی ڈسٹری بیوشن پر ریٹرن آن ایکوئٹی چودہ فیصد دیا گیا ہے جب کہ بجلی ٹرانسمیشن پر بارہ فیصد کا ریٹرن آن ایکوئٹی فراہم کیا گیا ہے۔
صارفین کی مخالفت
کے الیکٹرک کی درخواست پر سماعت کے دوران صارفین نے ڈالر بیسڈ منافع کی مخالفت کی تھی۔
