حکومت اب بجلی نہیں خریدے گی، وزیراعظم جلد نیشنل ٹیرف پالیسی کا اعلان کریں گے: وزیر توانائی

حکومت کا بجلی کی خریداری کے بارے میں فیصلہ

اسلام آباد(ڈیلی پاکستان آن لائن) وفاقی وزیر برائے توانائی سردار اویس لغاری کا کہنا ہے کہ حکومت اب بجلی نہیں خریدے گی اور وزیر اعظم جلد نیشنل ٹیرف پالیسی کا اعلان کریں گے۔

یہ بھی پڑھیں: خلیجی ممالک کو مزید 40 پروازیں اڑان نہ بھرسکیں، 20 روز کے دوران منسوخ پروازوں کی مجموعی تعداد ایک ہزار 810 ہوگئی

پاکستان کو ایکسپورٹ پر مبنی ملک بنانے کا عزم

نجی ٹی وی جیو نیوز کے مطابق ایک تقریب سے خطاب کرتے ہوئے اویس لغاری نے کہا کہ پاکستان کو ایکسپورٹ پر مبنی (Export oriented) ملک بنانے کا فیصلہ ہوچکا ہے، اس کے بغیر کوئی راستہ نہیں۔ برآمدی شعبے کے لیے خطے کی سستی ترین بجلی کی فراہمی کے منصوبے پر کام کررہے ہیں۔

یہ بھی پڑھیں: بلوچستان میں مزید بدامنی برداشت نہیں کریں گے: سرفراز بگٹی

نوکریوں کے مواقع کا تخمینہ

انہوں نے کہا کہ حکومت اب بجلی نہیں خریدے گی، وزیراعظم جلد نیشنل ٹیرف پالیسی کا اعلان کریں گے جس سے تین سے ساڑھے تین لاکھ تک نوکریاں پیدا ہوں گی۔

پاور سیکٹر میں اصلاحات

وفاقی وزیر توانائی نے مزید کہا کہ بجلی کی قیمت میں کمی پر کسی خوش فہمی کا شکار نہیں، پاور سیکٹر میں پائیدار اصلاحات پر کام کر رہے ہیں۔