افواج پاکستان کی شان ہیں، ہم ان کی بدولت امن و سکون کی زندگی گزار رہے ہیں: مراد علی شاہ

وزیراعلیٰ سندھ کا بیان

کراچی(ڈیلی پاکستان آن لائن) وزیراعلیٰ سندھ مراد علی شاہ نے کہا ہے کہ مسلح افواج پاکستان کی شان ہیں اور ہم افواج کی ہی بدولت امن و سکون کی زندگی گزار رہے ہیں۔

یہ بھی پڑھیں: 80 سالہ مصری شخص نے 79 سالہ خاتون سے محبت کے بعد شادی کر لی

بھارتی دہشت گردی کی مذمت

نجی ٹی وی جیو نیوز کے مطابق آرٹس کونسل میں تقریب سے خطاب کرتے ہوئے مراد علی شاہ نے کہا کہ پاکستان ہمیشہ بھارت میں ہونے والی دہشت گردی کی مذمت کرتا ہے لیکن بھارت نے کبھی پاکستان میں دہشت گردی کی مذمت نہیں کی۔

پاکستان کی افواج کی اہمیت

وزیر اعلیٰ سندھ کا کہنا تھا کہ افواج پاکستان کی شان ہیں، ہم اپنی افواج کی بدولت امن وسکون کی زندگی گزار رہے ہیں۔

بھارت کے حملوں کا جواب

انہوں نے مزید کہا کہ بھارت نے پاکستان میں معصوم شہریوں کو نشانہ بنایا لیکن پاکستان نے ان جگہوں کو ٹارگٹ کیا جہاں سے حملہ کیا گیا تھا۔ پاکستان نے بھارت کے رافیل گرا کر اس کا گھمنڈ توڑا۔