خضدار خودکش حملے میں زخمی ہونے والی مزید 2 طالبات شہیدہو گئیں۔

خضدار میں خودکش حملہ

خضدار (ڈیلی پاکستان آن لائن) خضدار میں اسکول بس پر ہونے والے خود کش حملے میں زخمی ہونے والی مزید 2 طالبات شہید ہو گئیں۔

یہ بھی پڑھیں: GHQ حملہ کیس: پی ٹی آئی رہنماوں سمیت 25 ملزمان کے ناقابل ضمانت وارنٹ جاری

نئی ہلاکتیں

نجی ٹی وی جیونیوز نے سیکیورٹی ذرائع سے کہا ہے کہ خضدار حملے میں زخمی ہونے والی 2 طالبات، شیما ابراہیم اور مسکان، زخموں کی تاب نہ لاتے ہوئے شہید ہو گئیں۔

یہ بھی پڑھیں: اسلام آباد ہائیکورٹ سمیت چاروں ہائیکورٹس میں مستقل چیف جسٹسز تعینات کرنے کا فیصلہ

مجموعی ہلاکتیں

سیکیورٹی ذرائع کے مطابق خضدار حملے میں شہید ہونے والے طلبا و طالبات کی تعداد 8 ہو گئی ہے، جن میں 7 طالبات اور ایک طالبعلم شامل ہیں۔

حملے کی تفصیلات

یاد رہے کہ 21 مئی کو خضدار میں اسکول بس پر خودکش حملہ ہوا تھا جس میں 5 طالبعلم شہید اور 51 بچے زخمی ہوئے تھے، تاہم بعد ازاں مزید ایک بچہ دم توڑ گیا تھا۔