ایپل کے اولین سمارٹ گلاسز آئندہ سال متعارف کرائے جانے کا امکان

ایپل کے سمارٹ گلاسز کی متعارفی تاریخ

واشنگٹن (ڈیلی پاکستان آن لائن) ایپل کے اولین سمارٹ گلاسز 2026 میں متعارف کرائے جائیں گے۔ نجی ٹی وی جیونیوز نے بلومبرگ کی ایک رپورٹ کے حوالے سے بتایا کہ فیچرز کے لحاظ سے یہ سمارٹ گلاسز میٹا کے رے بین گلاسز سے کافی ملتے جلتے ہوں گے مگر ایپل برانڈ انہیں دیگر سے منفرد بنائے گا۔

یہ بھی پڑھیں: جامشورو کے کوہستانی علاقے میں گیسٹرو وباء سے 6 افراد کی ہلاکت، وزیراعلیٰ سندھ کا نوٹس

گلاسز کی خصوصیات

رپورٹ میں بتایا گیا کہ ایپل کے سمارٹ گلاسز کو 2026 کے اختتام تک متعارف کرائے جانے کا امکان ہے۔ یہ گلاسز کیمروں، مائیکرو فونز، اسپیکر اور ملٹی ماڈل آرٹی فیشل انٹیلی جنس (اے آئی) سے لیس ہوں گے۔ درحقیقت یہ سمارٹ گلاسز اے آئی ٹیکنالوجی کی مدد سے اردگرد کے ماحول کو دیکھ کر اس کا تجزیہ کرسکیں گے۔

یہ بھی پڑھیں: لیڈز ٹیسٹ، بھارتی کھلاڑی ریشابھ پنت امپائر سے الجھ پڑے، ویڈیو وائرل

ایپل کی پیشرفت

رپورٹ میں بتایا گیا کہ یہ سمارٹ گلاسز ایپل کے وی آر ہیڈ سیٹ ویژن پرو سے مختلف ہوں گے۔ سمارٹ گلاسز کے باعث کمپنی نے ایپل واچ ڈیوائسز میں کیمرے کو شامل کرنے کا منصوبہ بھی ختم کر دیا ہے۔

یہ بھی پڑھیں: 100 باتوں کی ایک بات، جو دبائے نہ دبے گی، نریندر مودی امریکہ کے آ گے سرینڈر ہو گیا ہے: راہول گاندھی

صارفین کے لئے ممکنات

یہ سمارٹ گلاسز استعمال کرکے صارفین ایسے متعدد کام کرسکیں گے جو ابھی سمارٹ فونز سے ممکن ہیں، جیسے میوزک پلے بیک کنٹرول اور ایپل کے ڈیجیٹل اسسٹنٹ Siri سے سوالات پوچھنا وغیرہ۔

یہ بھی پڑھیں: پاکستان آنے کے لیے اصول دنیا کے لیے وہی افغان شہریوں کے لیے بھی ہیں: طلال چودھری

پروٹوٹائپ کی تیاری

رپورٹ میں بتایا گیا کہ سمارٹ گلاسز کے پروٹوٹائپ ماڈلز رواں سال کے آخر تک تیار کیے جاسکتے ہیں۔ اولیں سمارٹ گلاسز بنیادی طور پر ایپل کی جانب سے اگیومینٹڈ رئیلٹی (اے آر) گلاسز کی تیاری میں پیشرفت کرنا ہے۔

یہ بھی پڑھیں: وفاقی وزیر اورنگزیب کھچی اور وزیراعظم کے معاون خصوصی حذیفہ رحمان کی سینیٹر عرفان صدیقی سے ملاقات

آگے کا راستہ

ایپل اے آر گلاسز کو آئی فونز کے متبادل کے طور پر تیار کرنا چاہتی ہے مگر ان کی تیاری کب تک ممکن ہوگی ابھی یہ کہنا مشکل ہے۔ ایپل کے سی ای او ٹم کک نے 2022 میں ایک بیان میں اے آر ٹیکنالوجی کے حوالے سے اپنے جوش و خروش کا اظہار کیا تھا۔

نتیجہ

ان کا کہنا تھا کہ آپ انتظار کریں اور دیکھیں ہم اس حوالے سے آپ کو کیا پیش کرتے ہیں۔