وزیر اعظم کی لاہور قلندرز کو پاکستان سپر لیگ 10 کا فائنل جیتنے پر مبارکباد

وزیراعظم کی لاہور قلندرز کو مبارکباد

اسلام آباد (ڈیلی پاکستان آن لائن) وزیراعظم نے پاکستان سپر لیگ (پی ایس ایل) کے دسویں ایڈیشن کے فائنل میں لاہور قلندرز کی کامیابی پر ٹیم، انتظامیہ اور تمام کھلاڑیوں کو مبارکباد دی ہے۔

یہ بھی پڑھیں: احتجاج کے دوران ہمارے 12 کارکن جاں بحق، 200 لاپتہ ہیں: عمر ایوب

فائنل کی شاندار کارکردگی

نجی ٹی وی نیوزسماکے مطابق وزیر اعظم نے اپنے بیان میں کہا کہ لاہور قلندرز نے ایک ہائی اسکورنگ اور سنسنی خیز مقابلے کے بعد جس انداز میں ہدف حاصل کیا، وہ قابلِ تحسین ہے۔ انہوں نے فائنل میں شاندار کھیل پیش کرنے پر لاہور قلندرز اور کوئٹہ گلیڈی ایٹرز دونوں ٹیموں کی کارکردگی کو سراہا۔

یہ بھی پڑھیں: متحدہ عرب امارات کے قومی دن پر 2 روزہ تعطیلات کا اعلان

پی ایس ایل 10 کی کامیابی

شہباز شریف نے کہا کہ پی ایس ایل 10 میں شامل تمام ٹیموں نے عمدہ کھیل پیش کیا اور شائقین کو بھرپور تفریح فراہم کی۔ ایونٹ کی کامیاب میزبانی پاکستان میں کھیلوں کے روشن مستقبل کی عکاس ہے۔

یہ بھی پڑھیں: ملک بھر میں کرسمس کی تقریبات، گرجا گھروں میں خصوصی عبادات کا اہتمام

پی سی بی کی تعریف

انہوں نے پاکستان کرکٹ بورڈ (پی سی بی) کے چیئرمین محسن نقوی اور پی سی بی کی پوری انتظامیہ کو لیگ کے کامیاب اور شاندار انعقاد پر خصوصی مبارکباد دی۔

یہ بھی پڑھیں: وفاقی کابینہ نے مزید 8 آئی پی پیز کے ٹیرف ریویو کی منظوری دیدی

غیر ملکی کھلاڑیوں کا کردار

وزیراعظم نے تمام کھلاڑیوں، بالخصوص غیر ملکی کھلاڑیوں کو خراج تحسین پیش کیا، جن کی شرکت سے پی ایس ایل کا معیار مزید بلند ہوا اور ایونٹ کو عالمی سطح پر پذیرائی ملی۔

فائنل کا نتیجہ

واضح رہے کہ گزشتہ شب لاہور قلندرز نے فائنل میں کوئٹہ گلیڈی ایٹرز کو 6 وکٹوں سے شکست دے کر پاکستان سپر لیگ (پی ایس ایل) 10 کا ٹائٹل جیت لیا۔ کوئٹہ گلیڈی ایٹرز کی جانب سے دیا گیا 202 رنز کا ہدف لاہور قلندرز نے 4 وکٹوں کے نقصان پر آخری اوور میں حاصل کرکے 4 سال میں تیسرا ٹائٹل اپنے نام کیا۔