تباہی نہیں دیکھ سکتے، یہ نہ ہو مارگلہ ہلز نیشنل پارک کو مکمل بند کرنے کی ہدایت کردیں، قائمہ کمیٹی

مارگلہ ہلز نیشنل پارک میں تعمیرات کا انکشاف

اسلام آباد (ڈیلی پاکستان آن لائن) وزارت موسمیاتی تبدیلی حکام نے قومی اسمبلی قائمہ کمیٹی کے اجلاس میں مارگلہ ہلز نیشنل پارک میں 137 ہوٹلز، ریسٹورنٹس اور عمارتوں کی تعمیر کا انکشاف کیا ہے۔ قائمہ کمیٹی برائے موسمیاتی تبدیلی نے اسلام آباد وائلڈ لائف بورڈ کی عدم تشکیل پر برہمی کا اظہار کردیا۔

یہ بھی پڑھیں: عمران خان نے بچوں کو پاکستان آنے سے نہیں روکا، قاسم اور سلیمان کا نائیکوپ گم ہو گیا ہے: علیمہ خان

قومی اسمبلی کی قائمہ کمیٹی کا اجلاس

ڈان نیوز کے مطابق چیئر پرسن منزہ حسن کی زیر صدارت قومی اسمبلی کی قائمہ کمیٹی برائے موسمیاتی تبدیلی کا اجلاس پارلیمنٹ ہاؤس میں منعقد ہوا۔ اجلاس میں نزہت صادق پاکستان انوائرمنٹل پروٹیکشن ترمیمی بل 2024 پر بحث ہوئی۔

یہ بھی پڑھیں: تنخواہ داروں پر کتنا ٹیکس ہونا چاہیے؟ سابق وفاقی وزیر نے حکومت کو بجٹ تجاویز پیش کردیں

وزارت موسمیاتی تبدیلی کی تجاویز

چیئر پرسن کمیٹی نے کہا کہ وزارت موسمیاتی تبدیلی نے نزہت صادق کا بل کچھ شقوں کے علاوہ منظور کرلیا ہے، گلیشیئرز سے متعلق کچھ شقوں کو چھوڑ کر بل کو منظور کیا گیا ہے، کیونکہ گلیشیئرز کا معاملہ صوبائی دائرہ اختیار میں آتا ہے۔

کمیٹی میں وزیر مملکت ڈاکٹر شذرہ منصب نے کہا کہ نزہت صادق کے بل میں لائی جانے والی ترامیم بہت اچھی ہیں، گلیشیئرز کا معاملہ صوبائی ہے، اس لیے اس بل میں گلیشیئرز کا حصہ شامل نہیں ہے۔

یہ بھی پڑھیں: جنوبی افریقن کپتان ٹیمبا باووما نے آسٹریلوی کھلاڑیوں پر سلیجنگ کا الزام لگا دیا

بل کی منظوری

قائمہ کمیٹی نے نزہت صادق کا پاکستان انوائرمنٹل پروٹیکشن ترمیمی بل منظور کرلیا۔ جبکہ شاہدہ رحمانی کی عدم حاضری کی وجہ سے ان کا پیش کردہ پاکستان انوائرمنٹل پروٹیکشن ترمیمی بل 2025 موخر کردیا گیا۔

یہ بھی پڑھیں: No Rush for Constitutional Amendments, We’ll Consult Lawyers Thoroughly: Punjab Governor

اسلام آباد وائلڈ لائف بورڈ کی صورتحال

اجلاس میں اسلام آباد وائلڈ لائف بورڈ کی عدم تشکیل پر کمیٹی نے برہمی کا اظہار کرتے ہوئے کہا کہ چار ماہ سے بورڈ ہی مکمل نہیں ہورہا۔ چیئر پرسن کمیٹی نے کہا کہ کیا پورے ملک سے آپ کو ماہرین نہیں مل رہے؟ بورڈ ممبرز کیلئے وزارت قانون کو کئی بار لکھا گیا ہے۔

یہ بھی پڑھیں: 37ڈبل اے سے 30ستمبر تک ملک بھر کی ملیں بند ہو جائیں گی،صدر لاہورچیمبر آف کامرس اینڈ انڈسٹری

مارگلہ ہلز نیشنل پارک کی تعمیرات

اجلاس میں وزارت موسمیاتی تبدیلی حکام نے کہا کہ مارگلہ ہلز نیشنل پارک میں 137 ہوٹلز، ریسٹورنٹس اور عمارتوں کی تعمیرات ہوئی ہیں۔ ان میں 26 ریسٹورنٹس، 22 ٹک شاپس، شکر پڑیاں کے علاقے میں 9 ریسٹورنٹس اور 4 کلب، 8 ہوٹلز اور 55 حکومتی عمارتیں شامل ہیں، جن کی تعمیر کی اجازت سی ڈی اے نے دی ہے۔

یہ بھی پڑھیں: قطر سے واپسی پر وہاب علی کی ہلاکت پر کرم میں احتجاج جاری: “میں مسافر ہوں اور راستہ کھلنے کا انتظار کر رہا ہوں”

سی ڈی اے کی وضاحت

چیئر پرسن کمیٹی نے پوچھا کہ کیا سی ڈی اے نے ان عمارتوں کی تعمیر سے پہلے وزارت موسمیاتی تبدیلی کو آگاہ کیا؟ ممبر ماحولیات سی ڈی اے نے کہا کہ مجھے نہیں معلوم کہ ان ریسٹورنٹس کو نئے قوانین کے تحت اجازت دی گئی۔

یہ بھی پڑھیں: پبلک اکائونٹس کمیٹی نے دو ماہ میں کتنے ارب کی ریکوری کی؟ تفصیلات سامنے آگئیں

نیشنل پارک کی حفاظت

سیکرٹری وزارت موسمیاتی تبدیلی نے کہا کہ مارگلہ ہلز کی زوننگ اور ڈی مارکیشن پر کام ہورہا ہے اور وائلڈ لائف بورڈ کو انوسٹمنٹ لانے کا ٹاسک دیا گیا ہے۔ انہوں نے کہا کہ ہم مارگلہ ہلز میں کمرشلائزیشن کے ایریاز مارک کریں گے۔

نیشنل پارک کی بندش کا خدشہ

چیئر پرسن کمیٹی نے کہا کہ گزشتہ کئی عرصے سے نیشنل پارک سے متعلق اداروں کی ایک میٹنگ نہیں ہوسکی۔ ہم مارگلہ ہلز کی تباہی نہیں دیکھ سکتے ہیں، یہ نہ ہو کہ ہم مارگلہ ہلز نیشنل پارک کو مکمل طور پر بند کرنے کی ہدایت کردیں۔