بانی کے خلاف تمام مقدمات جھوٹے، انصاف کریں، جلد فیصلے دیں: پی ٹی آئی

پی ٹی آئی کی قیادت کا موقف

اسلام آباد (ڈیلی پاکستان آن لائن) پی ٹی آئی کی مرکزی قیادت نے کہا ہے کہ بانی کے خلاف تمام مقدمات جھوٹے ہیں، انصاف کریں اور جلد فیصلے دیں۔

یہ بھی پڑھیں: پی ٹی آئی نے سپیکر ایاز صادق کی ملاقات کی دعوت قبول کرلی

اسلام آباد ہائیکورٹ میں گفتگو

نجی ٹی وی دنیا نیوز کے مطابق اسلام آباد ہائیکورٹ کے باہر میڈیا سے گفتگو میں بیرسٹر گوہر علی نے کہا کہ انصاف ہوتا ہوا نظر آنا چاہئے، انصاف بغیر کسی فیور کے ملنا چاہئے۔ نواز شریف کو ایک کیس میں 70، دوسرے میں 91 دن بعد ضمانت ملی، جبکہ بانی پی ٹی آئی کو اتنے عرصے بعد بھی ضمانت نہیں ملی۔ بانی پی ٹی آئی کے خلاف تمام مقدمات بے بنیاد ہیں۔

یہ بھی پڑھیں: فضل الرحمان سے محمود خان اچکزئی و دیگر کی ملاقات، 27 ویں آئینی ترمیم بارے گفتگو

کیس کی صورتحال

بیرسٹر گوہر نے بتایا کہ بانی پی ٹی آئی کا کیس کازلسٹ میں شامل کر لیا گیا ہے، اور بانی پی ٹی آئی کی سزا معطلی کا کیس 5 جون کو سنا جائے گا۔

یہ بھی پڑھیں: حسن علی کی قومی ٹیم میں شاندار واپسی پر وہاب ریاض کا دلچسپ تبصرہ

وزیراعلیٰ خیبر پختونخوا کا بیان

اس موقع پر وزیراعلیٰ خیبر پختونخوا علی امین گنڈاپور نے کہا کہ بانی پی ٹی آئی کے خلاف تمام مقدمات جھوٹے ہیں، اور قانون کو اپنی لونڈی بنایا ہوا ہے۔ انہوں نے مزید کہا کہ پاکستان کے آئین و قانون سے کھلواڑ کیا جا رہا ہے۔

یہ بھی پڑھیں: پاکستانی فنکاروں نے مشرقی موسیقی کو بین الاقوامی شناخت دی: مریم نواز

قومی جنگ کی حمایت

علی امین گنڈاپور نے یہ بھی کہا کہ بانی پی ٹی آئی قوم اور ہمارے بچوں کی جنگ لڑ رہا ہے، اور عدلیہ سے درخواست کی کہ انصاف کریں اور جلد فیصلے کریں۔ ہماری تحریک جاری ہے۔ انہوں نے یہ بھی ذکر کیا کہ ہم عدلیہ کے ساتھ کھڑے ہیں، اور 26 ویں آئینی ترمیم کے خلاف رہے ہیں۔

علیمہ خان کی باتیں

پریس کانفرنس میں عمران خان کی ہمشیرہ علیمہ خان نے کہا کہ ہم عدالتوں کی مجبوری سمجھتے ہیں، اور بیرسٹر گوہر سے پوچھا اگر ان کے پاس کوئی خوشخبری ہے تو ہمیں بھی بتا دیں۔