لیسکو میں شجرکاری مہم، ماحولیاتی تبدیلیوں کے خلاف اپنی ذمہ داری ادا کریں گے: سی ای او

لاہور (ڈیلی پاکستان آن لائن) چیف ایگزیکٹو لیسکو انجینئر محمد رمضان بٹ کے "سرسبز و صاف" ویژن کے تحت لیسکو میں شجرکاری مہم کا آغاز کردیا گیا ہے۔

شرکاء کی شمولیت

اس سلسلے میں لیسکو کے ریجنل ٹریننگ سنٹر میں جاری ریونیو سٹاف ٹریننگ کے شرکاء نے پھلدار پودے لگائے، جس کا مقصد ماحولیاتی تبدیلیوں کے خلاف اپنی ذمہ داری ادا کرنا ہے تاکہ ہمارا ملک سرسبز و شاداب ہو اور ہمیں موسمیاتی تبدیلیوں کے خلاف مدد مل سکے۔

تربیتی پروگرام کی اہمیت

اس موقع پر تربیتی پروگرام کے انچارج عمران انور نے شرکاء کا شکریہ ادا کیا اور کہا کہ امید ہے کہ دیگر تربیتی سیشنز کے شرکاء بھی اس مہم کا حصہ بنیں گے اور آر ٹی سی کو سرسبز و شاداب بنانے میں اپنا حصہ ضرور شامل کریں گے۔

چیف انجینئر کی ہدایات

واضح رہے کہ لیسکو چیف انجینئر محمد رمضان بٹ نے لیسکو کے تمام دفاتر میں درخت لگانے اور صفائی کا خصوصی خیال رکھنے کی ہدایت کی ہے۔