بنگلہ دیش کی عبوری حکومت نے محمد یونس اور فوج کے درمیان اختلافات کی خبروں کی تردید کردی

بنگلہ دیش کی عبوری حکومت کا بیان

ڈھاکہ (ویب ڈیسک) بنگلہ دیش کی عبوری حکومت نے چیف ایڈوائزر محمد یونس اور فوج کے درمیان اختلافات کی خبروں کی تردید کردی ہے۔

یہ بھی پڑھیں: پین کی تحریر والے کرنسی نوٹوں سے متعلق خبروں پر سٹیٹ بینک کی وضاحت آگئی

بھارتی میڈیا کے خلاف الزامات

جیو نیوز کے مطابق عبوری حکومت کی جانب سے جاری بیان میں کہا گیا ہے کہ بھارتی میڈیا مستقل غلط اور گمراہ کُن خبریں پھیلا رہا ہے۔

یہ بھی پڑھیں: سندھ ہائیکورٹ؛ ججز کی تقرریوں میں سیاسی مداخلت روکنے سے متعلق درخواست پر دلائل طلب

جعلی خبروں کا ردعمل

بیان میں مزید کہا گیا ہے کہ جعلی خبروں کی بھارتی مہم سوشل میڈیا پر چلائی جا رہی ہے۔ عبوری حکومت کا کہنا ہے کہ بھارتی میڈیا پر جعلی خبریں کسی مستند ثبوت یا تصديق کے بغیر نامعلوم ذرائع سے نشر کی جا رہی ہیں۔

فوجی سربراہ کے خلاف الزامات

جعلی خبروں میں یہ بھی کہا گیا ہے کہ بنگلہ دیشی آرمی چیف جنرل وقارالزماں چیف ایڈوائزر محمد یونس کو عہدے سے ہٹانے کی کوشش کر رہے ہیں اور آرمی چیف بنگلہ دیش میں ایمرجنسی لگا کر عبوری حکومت کا خاتمہ چاہتے ہیں۔