جنوبی وزیرستان میں مبینہ ڈرون حملہ، 23 افراد زخمی، 4 کی حالت تشویشناک

جنوبی وزیرستان میں ڈرون حملہ

وانا (ڈیلی پاکستان آن لائن) جنوبی وزیرستان میں مبینہ ڈرون حملے کے نتیجے میں 23 افراد زخمی ہوگئے، جن میں 4 کی حالت تشویشناک ہے۔

یہ بھی پڑھیں: نیویارک، امریکہ کا لاہور ہے، نیویارک سٹی کے میئر کی بلال بن ثابت سے ملاقات، پاکستان کرپٹو کونسل کی مسلمانوں کو عید کی مبارکباد

واقعے کی تفصیلات

روز نامہ امت کے مطابق، مقامی افراد کا دعویٰ ہے کہ کواڈ کاپٹر سے دھماکا خیز مواد گرنے کا یہ واقعہ جنوبی وزیرستان کی تحصیل برمل کی مرکزی شاہراہ کے قریب اس وقت پیش آیا جب مقامی افراد والی بال کا میچ کھیل رہے تھے۔

یہ بھی پڑھیں: حکومت نے عمران خان کے لیے 2 ڈاکٹرز پر مشتمل میڈیکل پینل تشکیل دے دیا، نجی نیوز چینل کا دعویٰ

عینی شاہدین کے بیانات

شہریوں کا کہنا ہے کہ انہوں نے ڈرون جیسی چیز کو فضا میں اُڑتے دیکھا اور اس کے بعد دھماکا ہوا۔ دھماکے کے مقامات کے قریب کچھ دکانیں اور والی بال کا گراو¿نڈ موجود ہے۔

ہسپتال میں زخمیوں کی حالت

ڈسٹرکٹ ہیڈ کوارٹر ہسپتال وانا کی جانب سے جاری کردہ فہرست کے مطابق اس واقعے میں مجموعی طور پر 23 افراد زخمی ہوئے ہیں۔ ہسپتال کے مطابق، چار زخمیوں کی حالت تشویشناک ہے، جن میں سے دو کو ابتدائی طبی امداد کے بعد ڈیرہ اسماعیل خان ہسپتال منتقل کر دیا گیا ہے۔ بہت سے زخمیوں کو ڈسچارج کر دیا گیا، تاہم اس وقت 5 زخمی ہسپتال میں زیر علاج ہیں۔