بنگلہ دیش اور جنوبی افریقاکے کرکٹرز میدان میں لڑ پڑے، ویڈیو وائرل

کرکٹ میں جھگڑے کے واقعات

ڈھاکہ(ڈیلی پاکستان آن لائن) کرکٹ ایک جنٹلمین گیم ہے مگر کئی بار ایسے واقعات پیش آچکے ہیں جس میں حریف ٹیموں کے کھلاڑی توازن کھو بیٹھتے ہیں اور ایک دوسرے سے الجھ پڑتے ہیں۔

یہ بھی پڑھیں: یورپی ملک نے پاکستانی طلباء کے لیے 400 مکمل فنڈڈ اسکالرشپس کا اعلان کر دیا

بنگلادیش اے اور جنوبی افریقہ اے کا جھگڑا

حال ہی میں ایک ایسا ہی واقعہ بنگلادیش اے اور جنوبی افریقہ کی اے ٹیم کے دو کھلاڑیوں کے درمیان پیش آیا جس میں وہ دوران کھیل میدان میں لڑ پڑے۔ واقعے کی ویڈیو بھی سوشل میڈیا پر وائرل ہوئی۔

یہ بھی پڑھیں: پاکستان نے بھارت کے جہاز کیسے مار گرائے؟ سیکیورٹی ذرائع نے بتا دیا

مقابلہ کی تفصیلات

میرپور کے شیر بنگلہ کرکٹ سٹیڈیم میں کھیلے جارہے ٹیسٹ میچ میں جنوبی افریقا اے نے بنگلادیش اے کی ٹیموں مدمقابل تھیں، جس دوران دونوں ٹیمز کے کھلاڑی ایک دوسرے سے الجھ پڑے۔

یہ بھی پڑھیں: عازمین حج 2026 سے اخراجات 2 اقساط میں لینے کا فیصلہ

واقعے کی وجوہات

یہ واقعہ اس وقت پیش آیا جب بنگلادیش کے رپن مونڈول نے جنوبی افریقی کرکٹر کو چھکا لگایا، جس کے بعد بولر اور بیٹر کے درمیان تلخ جملوں کا تبادلہ ہوا اور پھر بات ہاتھا پائی تک جا پہنچی۔

یہ بھی پڑھیں: لاہور ہائی کورٹ نے پی ٹی آئی کارکن صنم جاوید کی ضمانت منظور کرلی

واقعے کی ویڈیو

ویڈیو میں دیکھا جا سکتا ہے کہ جنوبی افریقی بالر شیپو اینٹولی نے بنگلادیشی بیٹر کو پہلے دھکا اور پھر ہاتھا پائی شروع کی، جس کے بعد ٹیم کے دیگر کھلاڑی اور امپائر نے بیچ بچاؤ کرایا۔

واقعے کی ویڈیو یہاں دیکھیں

یہ بھی پڑھیں: بھارتی مسافر طیارہ ٹکرانے سے ہاسٹل میں موجود 5 ڈاکٹر ہلاک

امپائر کی رپورٹ اور پابندیاں

واقعہ کی رپورٹ آن فیلڈ امپائر جنوبی افریقی بورڈ اور بنگلادیش کرکٹ بورڈ کے اعلیٰ عہدیداروں کو پیش کریں گے اور دونوں کھلاڑیوں پر سخت پابندی لگنے کا امکان ہے۔

پیش آمدہ واقعات

اس سے قبل بھی ایک واقعہ پیش آیا تھا جب دونوں ٹیموں کے کھلاڑی آپس میں الجھ پڑے تھے، ون ڈے سیریز کے دوران بھی انڈیل سمیلانے اور جشن عالم کے درمیان تلخ جملوں کا تبادلہ ہوا اور دونوں کرکٹرز کو معطلی کا سامنا کرنا پڑا تھا。