سکول پرنسپل کے مبینہ تشدد سے طالب علم جاں بحق

واقعہ کا پس منظر

اسلام آباد(ڈیلی پاکستان آن لائن) ضلع خیبر کے علاقے جمرود میں سکول پرنسپل کے مبینہ تشدد سے طالب علم جاں بحق ہوگیا۔

یہ بھی پڑھیں: شاہد خاقان عباسی نے جنرل ریٹائرڈ فیض حمید سے پہلی ملاقات کا احوال سنا دیا

تشدد کا واقعہ

تفصیلات کے مطابق پانچویں جماعت کے طالب علم اتحاد ولد خیال مت خان کو اسکول اسمبلی کے دوران پرنسپل وقار احمد نے معمولی سی بات پر بہیمانہ تشدد کا نشانہ بنایا جس کے نتیجے میں ننھا طالب علم شدید زخمی ہوگیا۔

یہ بھی پڑھیں: چینی کی قیمت میں مزید اضافہ

زخمی طالب علم کی حالت

زخمی طالب علم کو فوری طور پر ہسپتال منتقل کیا گیا مگر وہ زخموں کی تاب نہ لاتے ہوئے جان کی بازی ہار گیا۔

یہ بھی پڑھیں: اسلام آباد؛ جوائنٹ سیکرٹری وزارت اریگیشن کے 16 سالہ بیٹے کی گھر سے لاش برآمد

پولیس کی کارروائی

ڈی پی او خیبر رائے مظہر اقبال نے واقعے کا نوٹس لیتے ہوئے ایس ایچ او جمرود نسیم خان کو فوری کارروائی کی ہدایت کی۔ پولیس نے مرکزی ملزم وقار احمد کو گرفتار کر کے حوالات منتقل کر دیا، جہاں اس کے خلاف مزید قانونی کارروائی عمل میں لائی جا رہی ہے۔

ڈی پی او کا بیان

ڈی پی او رائے مظہر اقبال نے کہا کہ بچوں اور خواتین پر تشدد کسی بھی صورت برداشت نہیں کیا جائے گا۔ کسی کو یہ حق حاصل نہیں کہ وہ استاد جیسے مقدس رتبے کو استعمال کر کے ظلم کرے، ہم اس واقعے کو مثال بنائیں گے تاکہ آئندہ کسی کو جرات نہ ہو کہ وہ تعلیم کے نام پر بچوں پر ظلم کرے۔