پشاور:پی ٹی آئی کی ضلعی تنظیم تحلیل، تمام عہدیدار فارغ

پی ٹی آئی کی ضلع پشاور تنظیم تحلیل

پشاور(ڈیلی پاکستان آن لائن ) پاکستان تحریک انصاف (پی ٹی آئی) کی ضلع پشاور کی تنظیم تحلیل کرتے ہوئے تمام عہدیداروں کو فارغ کر دیا گیا۔

یہ بھی پڑھیں: سرکاری حج سکیم 2026 کے لیے درخواستوں کی وصولی کا پہلا مرحلہ مکمل

اعلامیے کی تفصیلات

نجی ٹی وی ایکسپریس نیوز نے پی ٹی آئی کی جانب سے جاری اعلامیے کے حوالے سے بتایا کہ پاکستان تحریک انصاف ضلع پشاور کی تنظیم تحلیل کر دی گئی ہے اور اس حوالے سے پی ٹی آئی کی جانب سے با ضابطہ طور پر ضلع پشاور کی تنظیم تحلیل کرنے کا اعلامیہ بھی جاری کردیا گیا ہے۔

یہ بھی پڑھیں: اڈیالہ جیل میں قیدیوں سے ملاقاتوں پر پابندی میں توسیع

عہدیداروں کی ذمہ داریوں کا خاتمہ

اعلامیے میں کہا گیا ہے کہ تنظیم کی تحلیل کے بعد پشاور میں پی ٹی آئی کی پارٹی تنظیم کے تمام عہدیدار ذمہ داریوں سے فارغ ہو گئے ہیں۔

یہ بھی پڑھیں: پنجاب اسمبلی کا اجلاس طلب کر لیا گیا

تنظیم نو کا مقصد

پی ٹی آئی پشاور ریجن کی جانب سے جاری اعلامیے میں لکھا گیا ہے کہ ضلعی پارٹی کی تنظیم نو اور مستقبل میں کارکردگی اور رابطوں میں بہتری کے لئے یہ اقدام کیا گیا ہے۔

سابق عہدیداروں کی تفصیلات

واضح رہے کہ عرفان سلیم پی ٹی آئی پشاور ڈسٹرکٹ کے صدر اور جنرل سیکرٹری شہاب چمکنی تھے۔