بھارت نے افغان شہریوں کیلئے ایمرجنسی ویزا ختم کرکے نیا ویزا سسٹم متعارف کروادیا۔

بھارت کا نیا ویزا سسٹم

نئی دہلی (آئی این پی) پاکستان اور افغانستان کے بڑھتے تعلقات اور انسداد دہشتگردی کے لیے مشترکہ کاوشوں سے خوفزدہ بھارت نے افغان شہریوں کے لیے ایمرجنسی ویزا منسوخ کرتے ہوئے نیا ویزا سسٹم متعارف کرانے کا اعلان کر دیا ہے۔

یہ بھی پڑھیں: بانی پی ٹی آئی عمران خان کی جانب سے چیف جسٹس کے نام خط سوشل میڈیا پر وائرل،صحافی صدیق جان نے ترجمہ کر کے سنا دیا

ایمرجنسی ویزا سسٹم کی منسوخی

افغان نیوز آئوٹ لیٹ طلوع نیوز کی رپورٹ کے مطابق بھارت کی وزارت خارجہ نے اعلان کیا ہے کہ افغان شہریوں کے لیے ایمرجنسی ویزا سسٹم منسوخ کر دیا گیا ہے اور اس کی جگہ نیا ویزا جاری کرنے کا نظام قائم کیا گیا ہے۔ماہرین کا کہنا ہے کہ بھارت کا یہ اقدام افغانستان میں سیاسی تبدیلیوں کے بعد افغان شہریوں کے سفر کو بہتر طریقے سے منظم کرنے کی کوششوں کا حصہ ہے۔

یہ بھی پڑھیں: عالمی ٹیرف وار، پاکستان نقصان سے بچنے کیلئے کیا کرے گا؟ فچ نے ایسی پیشگوئی کر دی کہ کوئی سوچ بھی نہ سکتا تھا

نیا ویزا ماڈل

بھارتی وزارت خارجہ کے ترجمان رندھیر جیسوال نے تصدیق کی کہ نیا ویزا سسٹم نافذ العمل ہوچکا ہے، اور یہ مخصوص اقسام میں ویزا خدمات فراہم کرتا ہے، جن میں طبی علاج، کاروبار، تعلیم اور اقوام متحدہ کے سفارتی ویزے شامل ہیں۔

یہ بھی پڑھیں: بانی پی ٹی آئی کی صحت سے متعلق کوئی بیان نہیں دیا، وکیل سلمان صفدر کی وضاحت

نئے ویزا کی اقسام

ترجمان نے بتایا کہ افغان شہریوں کے لیے نیا ویزا ماڈل پچھلے مہینے اپریل سے نافذ ہوا ہے۔ پرانا ویزا ماڈل، جو ای-ایمرجنسی یا سابق متفرق ویزا کہلاتا تھا، اسے منسوخ کر دیا گیا ہے۔ اب افغان شہری بھارتی ویزے کی 6 اقسام کے لیے درخواست دے سکتے ہیں، جن میں میڈیکل ویزا، میڈیکل اٹینڈنٹ ویزا، بزنس ویزا، انٹری ویزا، اسٹوڈنٹ ویزا اور اقوام متحدہ کا سفارتی ویزا شامل ہیں۔

یہ بھی پڑھیں: نیپرا نے بجلی کے بنیادی ٹیرف میں ایک روپیہ 14پیسے کمی کی منظوری دیدی

ماضی کی صورتحال

ماضی میں بھارت نے 2021 میں ایمرجنسی ویزا سابق حکومت کے سقوط اور افغان پناہ گزینوں کی لہر کے بعد عارضی طور پر متعارف کروایا تھا۔ افغان وزارت اقتصادیات نے بھی بھارتی ویزے کے حصول کے لیے سہولت فراہم کرنے پر زور دیا ہے اور کہا ہے کہ یہ نئی دہلی کے ساتھ تجارتی تعلقات کو وسعت دے گا۔

یہ بھی پڑھیں: اسلام آباد میں امن مذاکرات کی تیاریاں، وزیراعظم شہباز شریف اور بلاول بھٹو کا ٹیلیفونک رابطہ

وزیر اقتصادیات کی رائے

معاون وزیرِ اقتصاد عبداللطیف نظری نے کہا کہ بھارت کی جانب سے افغانوں، خاص طور پر افغان تاجروں، کے لیے ویزا اجرا کی بحالی ایک تعمیری قدم ہو سکتا ہے، اور یہ سیاسی، اقتصادی اور تجارتی تعلقات کو وسعت دینے میں موثر ثابت ہو گا۔

بھارت کا تازہ اقدام

یہ تازہ بھارتی اقدام اس وقت سامنے آیا ہے جب بھارت نے اسلامی امارت کی واپسی کے بعد افغان شہریوں کے لیے ویزا جاری کرنا معطل کر دیا تھا۔