پنجاب کے وزیرِاعلیٰ کی ارکان صوبائی اسمبلی سے ملاقات، اہم احکامات جاری کردیئے
ملاقات کا مقصد
لاہور(ڈیلی پاکستان آن لائن) وزیرِاعلیٰ پنجاب مریم نواز سے ارکان صوبائی اسمبلی محمد احمد خان لغاری اور نعیم اختر خان بھابھہ نے ملاقات کی جس میں فلاحی منصوبوں، عوامی مسائل کے حل اور حلقے کے ترقیاتی امور پر تفصیلی تبادلہ خیال کیا گیا۔
یہ بھی پڑھیں: سروسز چیف کی مدت بڑھانے کے معاملے پر مولانا فضل الرحمان اور تحریک انصاف نے ایک مرتبہ پھر بڑا فیصلہ کر لیا
ترقیاتی منصوبوں کا جائزہ
نجی ٹی وی چینل ایکسپریس نیوز کے مطابق اراکینِ اسمبلی نے صوبے میں جاری ترقیاتی اور فلاحی منصوبوں کو سراہا۔ مریم نواز نے کہا کہ مل کر پنجاب کو ایک ماڈل صوبہ بنانا ہے، عوام کی خدمت ہی ہمارا مشن ہے، نوجوانوں کی تعلیم اور مالی خودمختاری میری ترجیحات میں سرفہرست ہے۔
یہ بھی پڑھیں: 27 ویں ترمیم، سینیٹ سے منظوری کے بعد بل آج قومی اسمبلی میں پیش کیا جائے گا
صوبے کی بہبود کے لئے عزم
ان کا کہنا تھا کہ ترقی کے ثمرات صوبے کے ہر حصے تک پہنچانا چاہتے ہیں۔
یہ بھی پڑھیں: جاپان کی مہنگی ترین سفید اسٹرابیری وائٹ جیول کے بعد چین کی بلیک پرل اسٹرابیری نے پھلوں کی مارکیٹ میں تہلکہ مچا دیا
مثبت اقدامات کی شروعات
نعیم اختر خان بھابھہ نے ملتان وہاڑی روڈ کی تعمیر و توسیع پراجیکٹ شروع کرنے پر وزیراعلی مریم نوازشریف کا شکریہ ادا کیا۔ انہوں نے کہا کہ وزیراعلی نے وہاڑی گرلز کالج میں کلاسیں شروع کرانے کا حکم دیا اور صوبائی وزیر تعلیم رانا سکندر حیات کو تعطیلات کے بعد کلاسز شروع کرنے کی ہدایت کر دی۔
یہ بھی پڑھیں: ڈی پورٹ ہونے والے 53 ہزار پاکستانیوں کے پاسپورٹ بلاک
نئی منصوبوں کا آغاز
وزیراعلی مریم نوازشریف نے ایم پی اے محمد احمد لغاری کی درخواست پر کوٹ ادو میں واٹر اسکیم پراجیکٹ لانے کے احکامات جاری کر دیے۔
یہ بھی پڑھیں: ری کنیکٹ آرٹس نے ’’ازخواب گراں خیز‘‘ کا افتتاح کردیا
عوام کی شمولیت کے لئے اقدامات
ارکان اسمبلی نے کہا کہ وزیر اعلی مریم نواز نے قلیل عرصے میں شفاف گورننس اور انقلابی اقدامات کے ذریعے عوام کے دل جیت لیے ہیں۔ کسان کارڈ، مینارٹی کارڈ، راشن کارڈ، ہمت کارڈ، ایجوکیشن کارڈ سب کو ترقی میں مساوی شرکت کے لئے بہترین اقدامات ہیں۔
طلبہ کی خوشحالی
ارکان اسمبلی نے کہا کہ وزیراعلی مریم نوازشریف نے ہونہار سکالرشپ، لیپ ٹاپ اسکیم اور ای بائیکس پراجیکٹس سے طلبہ کے دل جیت لئے۔
