سندھ اسمبلی کی توانائی کمیٹی میں کے الیکٹرک پر شدید تنقید، غیر اعلانیہ لوڈشیڈنگ پر برہمی کا اظہار

سندھ اسمبلی کی قائمہ کمیٹی برائے توانائی کا اجلاس

کراچی(ڈیلی پاکستان آن لائن) سندھ اسمبلی کی قائمہ کمیٹی برائے توانائی کا اجلاس کراچی میں ہوا جس میں کے الیکٹرک کے چیف ایگزیکٹو آفیسر (سی ای او) مونس علوی سمیت متعلقہ حکام نے شرکت کی۔ اجلاس میں ارکان اسمبلی نے شہر بھر میں جاری غیر اعلانیہ اور طویل لوڈشیڈنگ پر شدید برہمی کا اظہار کرتے ہوئے کے الیکٹرک پر سخت سوالات کی بوچھاڑ کر دی۔

یہ بھی پڑھیں: عمران ریاض، صابر شاکر، صدیق جان اور ڈاکٹر شہباز گل، پاک بھارت کی کشیدگی کے دوران یوٹیوب پر کیا کرتے رہے؟ لسٹ تیار، کارروائی کیلئے اجازت مانگ لی گئی۔

اجلاس میں رکن اسمبلی کا سوال

نجی ٹی وی چینل آج نیوز کے مطابق اجلاس کے دوران رکن اسمبلی (ایم پی اے) معاذ محبوب نے مونس علوی سے مکالمہ کرتے ہوئے کہا کہ اگر لوڈشیڈنگ کا شیڈول دیا جا چکا ہے تو اس کے بعد بجلی کی بندش کا کوئی جواز نہیں بنتا۔ معاذ محبوب نے زور دیا کہ غیرقانونی لوڈشیڈنگ پر مقدمہ درج ہونا چاہئے۔ مونس علوی نے جواباً کہا کہ ’کیا آپ بجلی چوری پر بھی مقدمہ درج کرائیں گے؟‘ جس پر معاذ محبوب نے کہا، ’ہم بجلی چوری کے خلاف آپ کے ساتھ ہیں، لیکن آپ غیر اعلانیہ لوڈشیڈنگ تو روکیں۔‘

یہ بھی پڑھیں: چین کا مشرقِ وسطیٰ میں بڑھتی ہوئی کشیدگی پر گہری تشویش کا اظہار

سپیکر کی ہدایات

سپیکر اویس قادر شاہ نے اجلاس کے دوران واضح ہدایات دیتے ہوئے کہا کہ شہر کی تمام ڈسٹری بیوشن کمپنیوں کو لوڈشیڈنگ کا واضح شیڈول دینا ہوگا تاکہ عوام کو پیشگی آگاہی حاصل ہو سکے۔

یہ بھی پڑھیں: 9 سال سے کوئی ہٹ فلم نہ دینے والی اداکارہ، ایک پراجیکٹ کا معاوضہ 41 کروڑ، مجموعی دولت 650 کروڑ سے زائد

ایم پی اے محمد فاروق کا سوال

اجلاس میں ایم پی اے محمد فاروق نے بھی کے الیکٹرک کو آڑے ہاتھوں لیتے ہوئے کہا کہ ’طے ہوا تھا کہ رات کے وقت لوڈشیڈنگ نہیں ہوگی، پھر شیڈول کس کی اجازت سے تبدیل ہوا؟‘ مونس علوی نے جواب دیا کہ ’ہیٹ ویو کے دوران 45 ڈگری پر ہم لوڈشیڈنگ نہیں کرتے۔‘ محمد فاروق نے طنزیہ انداز میں پوچھا، ’کراچی میں 45 ڈگری کب ہوا ہے؟‘

یہ بھی پڑھیں: لاہور کی وہ سوسائٹی جس کے اندر سے رنگ روڈ گزرے گا، ویڈیو

مونس علوی کا غیر سنجیدہ بیان

مونس علوی نے ایک موقع پر کہا کہ ’جماعت اسلامی کو ہم سے کچھ زیادہ محبت ہے‘، جس پر اراکین نے اس بیان کو غیر سنجیدہ قرار دیا۔

یہ بھی پڑھیں: سپریم کورٹ بار ایسوسی ایشن اور آئی ایم ایف کے درمیان ملاقات مؤخر

ایم پی اے آصف موسیٰ کی صورت حال بیان

ایم پی اے آصف موسیٰ نے بلدیہ ٹاؤن کی صورت حال بیان کرتے ہوئے کہا کہ ’اس علاقے کا کوئی پرسان حال نہیں، وہاں رات کو بھی لوڈشیڈنگ ہوتی ہے۔ 18 گھنٹے کی لوڈشیڈنگ میں امن و امان کیسے قائم رہ سکتا ہے؟‘ آصف موسیٰ نے مزید انکشاف کیا کہ شہر کی تاجر برادری اب اپنی علیحدہ ڈسٹری بیوشن کمپنی لانے پر غور کر رہی ہے، جو کے الیکٹرک پر عدم اعتماد کا واضح ثبوت ہے۔

اجلاس کے نتائج

اجلاس میں مجموعی طور پر کے الیکٹرک کی کارکردگی پر شدید تحفظات کا اظہار کیا گیا اور مطالبہ کیا گیا کہ غیر اعلانیہ لوڈشیڈنگ کے خلاف فوری اقدامات کیے جائیں۔