آئندہ مالی سال کا وفاقی ترقیاتی بجٹ ایک ہزار ارب روپے رکھنے کی تجویز
سرمایہ کاری کا تخمینہ
اسلام آباد (ڈیلی پاکستان آن لائن) آئندہ مالی سال کا وفاقی ترقیاتی بجٹ ایک ہزار ارب روپے رکھنے کی تجویز ہے جس میں سے وفاقی وزارتوں، ڈویژنز کا ترقیاتی بجٹ 662 ارب روپے رکھنے کی تجویز شامل ہے۔
یہ بھی پڑھیں: پاکستان امن کا خواہاں ہے، ہر حال میں اپنی علاقائی سالمیت اور خود مختاری کا دفاع کرے گا: ترجمان دفتر خارجہ
وفاقی اداروں کے بجٹ کی تفصیلات
ڈان نیوز کے مطابق بجٹ تجاویز سے متعلق دستاویز میں این ایچ اے کا ترقیاتی بجٹ 229 ارب روپے جبکہ پاور ڈویژن کا ترقیاتی بجٹ 104 ارب روپے مختص کرنے کی تجویز شامل ہے۔
یہ بھی پڑھیں: پی ایم ایل این، یو اے ای اقلیتی ونگ نے پاکستان کا 78 واں یوم آزادی دبئی میں منایا، کیک کاٹا گیا
صوبائی ترقیاتی بجٹ
دستاویز کے مطابق آئندہ مالی سال صوبوں اور خصوصی علاقہ جات کا ترقیاتی بجٹ 245 ارب 89 کروڑ روپے جبکہ صوبائی منصوبوں کے لئے 93 ارب 44 کروڑ روپے کا بجٹ رکھنے کی تجویز دی گئی ہے۔
یہ بھی پڑھیں: ٹی ٹوئنٹی ورلڈکپ: اٹلی کے کپتان انجری کے باعث سکاٹ لینڈ کے خلاف میچ سے باہر
کمزور علاقوں کے لئے بجٹ ترقی
دستاویز کے مطابق ضم شدہ اضلاع کے لئے 70 ارب 44 کروڑ روپے، آزاد کشمیر، گلگت بلتستان کے ترقیاتی منصوبوں کے لئے 82 ارب روپے جبکہ ایچ ای سی کے ترقیاتی بجٹ کے لئے 45 ارب روپے مختص کرنے کی تجویز ہے۔
یہ بھی پڑھیں: بھارت کے خلاف سپر فور مرحلے کے میچ کے لیے پاکستان کے ممکنہ 11 کھلاڑیوں کے نام سامنے آگئے
خصوصی منصوبوں کی مالی مدد
آبی وسائل کے منصوبوں کے لئے 140 ارب روپے، وفاقی وزارت تعلیم کے ترقیاتی منصوبوں کے لئے 19 ارب 68 کروڑ روپے جبکہ وفاقی وزارت صحت کے ترقیاتی منصوبوں کے لئے 15 ارب 34 کروڑ روپے مختص کرنے کی تجویز دی گئی ہے۔
یہ بھی پڑھیں: ارشاد بھٹی نے اپنی دوسری اہلیہ کے ساتھ محبت کی داستان شیئر کردی
دیگر ترقیاتی پروگرامز
پاکستان ایٹمی توانائی کمیشن کے منصوبوں کے لئے 4 ارب 75 کروڑ روپے جبکہ ریلویز کے ترقیاتی بجٹ کی مد میں 24 ارب 71 کروڑ روپے سے زائد جبکہ سپارکو کے ترقیاتی منصوبوں کے لئے 24 ارب 15 کروڑ روپے رکھنے کی تجویز ہے۔
دفاعی بجٹ کی تصویر
دستاویز کے مطابق وزارت دفاع کے ترقیاتی بجٹ کے لئے 11 ارب 55 کروڑ روپے سے زائد جبکہ دفاعی پیداوار کے ترقیاتی منصوبوں کے لئے ایک ارب 79 کروڑ روپے رکھنے کی تجویز ہے۔
