غزہ میں جو اسرائیل کر رہا ہے اب وہ عمل بھارت اپنا رہا ہے: شیری رحمان

پاکستانی وفد کا بیان

نیویارک (ڈیلی پاکستان آن لائن) میں موجود پاکستانی وفد کی رکن سینیٹر شیری رحمان نے کہا ہے کہ بھارت جنگجو ریاست بن رہا ہے۔ ان کا کہنا ہے کہ بھارت کہہ رہا ہے کہ یہ ٹریلر تھا، اب فلم آئے گی۔ غزہ میں جو اسرائیل کر رہا ہے، اب وہی عمل بھارت اپنا رہا ہے۔

یہ بھی پڑھیں: ملک بھر میں مون سون سپیل، لاہور سمیت کئی شہروں میں موسلادھار بارش

بھارت کا ہدف: پاکستان کی عدم استحکام

نجی ٹی وی ’جیو نیوز‘ سے گفتگو کرتے ہوئے شیری رحمان نے کہا کہ بھارت چاہتا ہے کہ پاکستان غیرمستحکم رہے، اور ہمیں بھارت کا یہ دعویٰ رد کرنا ہے۔

یہ بھی پڑھیں: سپیکر قومی اسمبلی سردار ایاز صادق نے جوڈیشل کمیشن ممبر کے لئے سروپ اعجاز کا نام بھجوا دیا

حنا ربانی کھر کا بیان

وفد کی رکن حنا ربانی کھر نے کہا کہ ہمارے وفد کا مقصد بھارتی وفد کی طرح شور مچانا اور تماشا لگانا نہیں ہے۔ انہوں نے مزید کہا کہ بھارتی وفد خود کے ساتھ ہی میٹنگز کر رہا ہے۔

بھارت کے اقدامات کی تشویش

حنا ربانی کھر نے نشاندہی کی کہ ہم دہائیوں سے دنیا کو اس خطرے سے آگاہ کر رہے ہیں جو بھارت نے جنگ کی شکل میں دکھا دیا ہے۔ بھارت کے 2016ء سے اقدامات عالمی قوانین کو چیلنج کر رہے ہیں۔