غزہ میں جو اسرائیل کر رہا ہے اب وہ عمل بھارت اپنا رہا ہے: شیری رحمان

پاکستانی وفد کا بیان

نیویارک (ڈیلی پاکستان آن لائن) میں موجود پاکستانی وفد کی رکن سینیٹر شیری رحمان نے کہا ہے کہ بھارت جنگجو ریاست بن رہا ہے۔ ان کا کہنا ہے کہ بھارت کہہ رہا ہے کہ یہ ٹریلر تھا، اب فلم آئے گی۔ غزہ میں جو اسرائیل کر رہا ہے، اب وہی عمل بھارت اپنا رہا ہے۔

یہ بھی پڑھیں: سندھ ہائیکورٹ؛ ججز کی تقرریوں میں سیاسی مداخلت روکنے سے متعلق درخواست پر دلائل طلب

بھارت کا ہدف: پاکستان کی عدم استحکام

نجی ٹی وی ’جیو نیوز‘ سے گفتگو کرتے ہوئے شیری رحمان نے کہا کہ بھارت چاہتا ہے کہ پاکستان غیرمستحکم رہے، اور ہمیں بھارت کا یہ دعویٰ رد کرنا ہے۔

یہ بھی پڑھیں: عمران خان نے اسٹیبلشمنٹ کیساتھ مسائل کو خود حل کرناہے، میرے پاس اختیار نہیں، علی امینگنڈاپور

حنا ربانی کھر کا بیان

وفد کی رکن حنا ربانی کھر نے کہا کہ ہمارے وفد کا مقصد بھارتی وفد کی طرح شور مچانا اور تماشا لگانا نہیں ہے۔ انہوں نے مزید کہا کہ بھارتی وفد خود کے ساتھ ہی میٹنگز کر رہا ہے۔

بھارت کے اقدامات کی تشویش

حنا ربانی کھر نے نشاندہی کی کہ ہم دہائیوں سے دنیا کو اس خطرے سے آگاہ کر رہے ہیں جو بھارت نے جنگ کی شکل میں دکھا دیا ہے۔ بھارت کے 2016ء سے اقدامات عالمی قوانین کو چیلنج کر رہے ہیں۔