قرآن اخوت اور بھائی چارے کا درس دیتا ہے: اصغر مسعودی اور مقررین کا خانہ فرہنگ ایران لاہور میں امام خمینیؒ کی برسی پر سیمینار سے خطاب

سیمینار کی تفصیلات

لاہور(ڈیلی پاکستان آن لائن) خانہ فرہنگ قونصلیٹ جنرل اسلامی جمہوریہ ایران -لاہور میں بانی انقلاب اسلامی ایران حضرت امام خمینیؒ کی برسی کے موقع پر تحریک وحدت اسلامی پاکستان کے تعاون سے ’’امام خمینیؒ اور اتحاد عالم اسلام‘‘ کے عنوان سے سیمینار کا انعقاد کیا گیا۔ اس سیمینار میں مختلف مکاتب فکر سے تعلق رکھنے والے علماء اور مختلف مذاہب کے رہنماؤں نے اپنے خیالات کا اظہار کیا، جنہوں نے امام خمینیؒ کی اسلامی خدمات اور اتحاد امت کے پیغام پر روشنی ڈالی۔

یہ بھی پڑھیں: ٹک ٹاک پر کم سے کم دنوں میں زیادہ وزن کم کرنے کا ٹرینڈ، ماہرین نے خبردار کردیا

سیمینار کی مہمان خصوصی

تقریب سے خطاب کرتے ہوئے ڈی جی خانہ فرہنگ اسلامی جمہوریہ ایران لاہور ڈاکٹر اصغر مسعودی نے کہا کہ امام خمینیؒ نے اسرائیل کا مقابلہ کرنے اور مظلوم فلسطینی عوام پر اس غاصب رجیم کے مظالم روکنے کے لیے مسلمانوں کے اتحاد پر زور دیا۔ ان کے نزدیک امت مسلمہ میں اتحاد کا بہترین راستہ یہ ہے کہ مسلمانوں کے درمیان موجود مشترکات کو اجاگر کیا جائے اور فرقہ وارانہ اختلافات سے گریز کیا جائے۔

یہ بھی پڑھیں: وزارت اقتصادی امور کا ایکس اکاؤنٹ ہیک کر لیا گیا

اتحاد کا پیغام

ڈاکٹر مسعودی نے کہا کہ ’’اتحاد عالم اسلام‘‘ اسرائیل کا مقابلہ کرنے کے لیے ایک سنجیدہ اور مؤثر حکمت عملی ہے۔ قرآن، سنت اور عقل بھی اتحاد کی توثیق کرتی ہیں۔ قرآن نہ صرف مسلمانوں بلکہ دوسرے مذاہب کے پیروکاروں کے ساتھ بھی اخوت اور بھائی چارے کا درس دیتا ہے۔

سیمینار میں دیگر مقررین

سیمینار سے تحریک وحدت اسلامی پاکستان کے سربراہ صاحبزادہ پرویز اکبر ساقی، جماعت اسلامی کے نائب امیر ڈاکٹر فرید احمد پراچہ، سابق وفاقی وزیر تعلیم سید منیر حسین گیلانی، اور دیگر علماء نے بھی خطاب کیا۔ انہوں نے امام خمینیؒ کو خراج عقیدت پیش کرتے ہوئے کہا کہ وقت آگیا ہے کہ امت مسلمہ کو متحد ہو کر اسلام کے دشمنوں کو شکست دینے کے لیے مشترکہ لائحہ عمل تیار کرنا ہوگا۔