پی ٹی آئی اسٹیبلشمنٹ کے ساتھ امن کوششیں ضائع کر رہی ہے، تجزیہ نگار نے بتادیا

وزیراعلیٰ کی نئی کوششیں

اسلام آباد   (ڈیلی پاکستان آن لائن)  تجزیہ نگار وصحافی انصار عباسی نے بتایا کہ وزیراعلیٰ خیبر پختونخوا علی امین گنڈا پور عمران خان اور اسٹیبلشمنٹ کے درمیان ڈیڈ لاک ختم کرنے کیلئے نئی کوششیں کر رہے ہیں لیکن تاحال کوئی مثبت نتیجہ برآمد نہیں ہوا۔

یہ بھی پڑھیں: شعیب ملک نے طلاق کی صورت میں ثانیہ مرزا کو کتنی رقم ادا کی؟

پارلیمنٹ میں کردار اور پاک بھارت جنگ

نجی ٹی وی جیو نیوز کے مطابق  حالیہ پاک بھارت جنگ کے دوران تحریک انصاف کے پارلیمنٹ میں کردار کے حوالے سے گنڈا پور کی ایک اہم شخصیت کے ساتھ بات چیت ہوئی۔ بھارت کیخلاف پاکستان اور پاک فوج کے ساتھ یک زبان ہونے کے معاملے پر پی ٹی آئی کی تعریف ہوئی لیکن گنڈا پور کو عمران خان کے حوالے سے کسی نرمی کی یقین دہانی کرائی گئی ہے اور نہ کسی سیاسی ریلیف کی۔

یہ بھی پڑھیں: پاك بھارت بارڈر پر پہلا رافیل گرنے تک کا انتظار کرو،، تین سال پہلے کی ہوئی پیش گوئی ہوبہو پوری ہو گئی۔

اسٹیبلشمنٹ کے ساتھ تعلقات کی بحالی کی کوششیں

ذرائع کا کہنا ہے کہ ایک ایسے وقت میں گنڈا پور نے پاک بھارت جنگ کے دوران پی ٹی آئی کی حب الوطنی کے کردار کو اسٹیبلشمنٹ کے ساتھ تعلقات کی بحالی کیلئے استعمال کرنے کی کوشش کر رہے ہیں۔ اس وقت عمران خان، پارٹی کے سوشل میڈیا اور بیرون ملک بیٹھے پارٹی کے حامی فوج کی اعلیٰ کمان پر تنقید جاری رکھی ہوئی ہے، یہی وجہ ہے کہ کوئی کامیابی نہیں ملی۔

یہ بھی پڑھیں: ای آئی ٹیکنالوجی سے 3 کیریئر متاثر ہونے کا امکان نہیں: بل گیٹس کی پیشگوئی

پارٹی اندرونی ذرائع کی صورتحال

پارٹی کے اندرونی ذرائع کے مطابق، ستم ظریفی بہت واضح ہے۔ اگرچہ گنڈا پور اور ان کے جیسے پی ٹی آئی رہنما بیرون ملک بیٹھے کچھ ثالث پارٹی کیلئے معمول کی سیاست میں آنے کیلئے پس پردہ کوششیں کر رہے ہیں، اس وقت پارٹی کے بانی چیئرمین عمران خان اور سوشل میڈیا جارحانہ رویہ اختیار کیے ہوئے ہیں۔

یہ بھی پڑھیں: بھارت نے 38 روہنگیا مہاجرین کو سمندر میں پھینک دیا

عمران خان کی تنقید اور بین الاقوامی مہم

ایکس (سابقہ ٹویٹر) پر ایک حالیہ پوسٹ میں عمران خان نے فیلڈ مارشل عاصم منیر کو براہ راست نشانہ بنایا۔ دوسری جانب، امریکا میں پی ٹی آئی کے حامیوں نے بھی اپنی منفی مہم تیز کرتے ہوئے نیویارک میں ٹائمز اسکوائر پر بڑے پیمانے پر ڈیجیٹل بل بورڈز پر پیسہ خرچ کیا اور ان کے ذریعے پاک فوج اور موجودہ حکمرانوں کو تنقید کا نشانہ بنا رہے ہیں، وہ بھی ایک ایسے موقع پر جب بھارت عالمی سطح پر پاکستان کیخلاف سرگرم انداز میں مہم چلا رہا ہے۔

یہ بھی پڑھیں: پہلی سالگرہ سے 2 دن پہلے بچے کی باتھ ڈب میں ڈوب کر موت، والدین کو سزا سنا دی گئی

تنویر احمد کا کردار

یہ ایسے اقدامات ہیں جن سے پس پردہ ہونے والی اُن کوششوں کو نقصان ہو رہا ہے جو وزیراعلیٰ خیبر پختونخوا اور امریکا میں مقیم پاکستانی ڈاکٹرز اور تاجر حضرات کر رہے ہیں۔ اب صورتحال یہ ہے کہ پی ٹی آئی کے اندر پاکستانی نژاد امریکی بزنس مین تنویر احمد کیخلاف بھی باتیں ہونا شروع ہو چکی ہیں۔ وہ عمران خان سے ملاقات کرکے تحریک انصاف اور اسٹیبلشمنٹ کے درمیان فاصلے ختم کرنے کی کوشش کر رہے ہیں۔

یہ بھی پڑھیں: ملک بھر میں 446 یوٹیلیٹی سٹورز بند

مفاہمت اور قومی ہم آہنگی کی ضرورت

تنویر احمد نے حال ہی میں جیو نیوز کے نمائندے مرتضیٰ علی شاہ سے بات کرتے ہوئے بتایا کہ کس طرح انہوں نے عمران خان کو زہریلے سیاسی ماحول کے بارے میں کھل کر بتایا۔ انہوں نے سابق وزیراعظم پر زور دیا کہ وہ پاکستان کے اتحاد کی خاطر پولرائزیشن کو کم کرنے میں مدد کریں۔

یہ بھی پڑھیں: کل کہاں سے احتجاج شروع کیا جائے گا ۔۔؟ تحریک انصاف کوآرڈینیشن کمیٹی اجلاس میں اہم فیصلے ،کارکنوں کواہم ہدایات جاری

عمران خان کی رسائی کا مسئلہ

تاہم، ایک افسوس ناک پہلو یہ ہے کہ تنویر احمد کی عمران خان تک رسائی کو پارٹی میں بدنام کیا گیا ہے۔ ذرائع کے مطابق، جیل میں عمران خان کو گمراہ کیا گیا ہے کہ تنویر احمد نے ٹیلی ویژن چینلز پر اُن (عمران خان) کیخلاف باتیں کی ہیں۔ یہ تاثر نہ صرف عمران خان کا ایک ہمدرد کے متعلق نظریہ خراب کرے گا بلکہ دیگر ثالثین کی حوصلہ شکنی بھی کرے گا۔

یہ بھی پڑھیں: اسلام آباد پولیس اہلکار کی ہلاکت: وزیراعظم کا افسوس اور ملوث افراد کی سزا کی ہدایت

بات چیت کی گنجائش

عمران خان کی جانب سے پیچھے نہ ہٹنے اور فیلڈ مارشل کیخلاف چلائی جانے والی توہین آمیز مہم کے دوران پس پردہ کی جانے والی کوششوں کیلئے ماحول محدود ہوتا جا رہا ہے۔ حالیہ پیشرفت سے واقف ایک ذریعے کا کہنا تھا کہ جب خلوص کیساتھ ہونے والی کوششوں کو بھی دھوکہ دہی بنا کر پیش کیا جائے تو بات چیت کی کیا گنجائش رہ جائے گی؟

وزیراعلیٰ کے ساتھ بات چیت کی کوششیں

رابطہ کرنے پر بیرسٹر سیف علی خان نے دی نیوز کو بتایا کہ انہیں اسٹیبلشمنٹ کے ساتھ وزیراعلیٰ خیبر پختونخوا کی کسی حالیہ بات چیت کا علم نہیں، تاہم، انہوں نے کہا کہ وزیر اعلیٰ، وہ خود اور پی ٹی آئی کے کچھ دیگر رہنما اسٹیبلشمنٹ کے ساتھ بات چیت کی کوششیں کر رہے ہیں تاکہ اختلافات ختم کیے جا سکیں اور مسئلے کے پر امن سیاسی حل کی راہ ہموار ہو سکے۔