بلاول بھٹو کی قیادت میں پاکستانی وفد واشنگٹن پہنچ گیا

بلاول بھٹو کا دورہ نیویارک مکمل

واشنگٹن (ڈیلی پاکستان آن لائن) بلاول بھٹو کی قیادت میں پاکستانی وفد نے دورہ نیویارک مکمل کرکے واشنگٹن پہنچ گیا۔

یہ بھی پڑھیں: دو سال میں 10 لاکھ نوجوانوں کو آئی ٹی کورسز کروائیں گے، امیر جماعت اسلامی کا اعلان

وفد کا سفر

نجی ٹی وی جیو نیوز کے مطابق بلاول بھٹو سمیت پاکستان کا 9 رکنی وفد ٹرین کے ذریعے نیویارک سے واشنگٹن پہنچا۔ واشنگٹن کے ریلوے سٹیشن پر وفد کا پاکستان کے سفیر رضوان سعید شیخ اور دیگر سینئر سفارتی عملے نے استقبال کیا۔

یہ بھی پڑھیں: مالی سال کے پہلے 9ماہ کے دوران یورپین ممالک سے ترسیلات زر میں 20 فیصد اضافہ

بھارت کے خلاف مقدمہ

بلاول نے بھارت کے خلاف پاکستان کا مقدمہ یو این سیکرٹری جنرل کے سامنے پیش کر دیا۔ ذرائع کے مطابق بلاول بھٹو کی قیادت میں 9 رکنی وفد 6 جون تک واشنگٹن میں قیام کرے گا۔ اس دوران وفد امریکی حکام اور تھنک ٹینک کے سامنے پاکستان کا مقدمہ پیش کرے گا جبکہ بلاول بھٹو دورہ واشنگٹن میں میڈیا کے نمائندوں سے بھی بات چیت کریں گے۔

یہ بھی پڑھیں: اے این پی کی اہم وکٹ گرنے کو تیار، ثمرہارون بلور کا ن لیگ میں شمولیت کا فیصلہ

کشمیر کا معاملہ

دورے کے دوران بلاول بھٹو بھارت کی آبی جارحیت، اشتعال انگیزی سے امریکی حکام کو آگاہ کریں گے۔ سابق وزیر خارجہ مسئلہ کشمیر حل کرنے کی پیشکش پر ٹرمپ انتظامیہ سے اظہار تشکر بھی کریں گے اور ان پر زور دیں گے کہ مسئلہ کشمیر کا پرامن حل یقینی بنائیں۔

یہ بھی پڑھیں: پی سی بی کا انڈر 15 سے انڈر 19 تک کے بچوں کے تعلیمی اخراجات اٹھانے کا فیصلہ

یو این ملاقاتیں

ذرائع کا بتانا ہے کہ بلاول بھٹو زور دیں گے کہ مسئلہ کشمیر کا حل یو این قراردادوں اور کشمیریوں کی امنگوں کے مطابق ہو۔ واضح رہے کہ اس سے قبل دورہ نیویارک میں پاکستان کے پارلیمانی اور سفارتی وفد نے یو این سیکرٹری جنرل انتونیو گوتریس اور صدر جنرل اسمبلی سے ملاقاتیں کی تھیں۔

بھارت کے خلاف مقدمہ پیش کرنا

وفد نے نیویارک میں سلامتی کونسل کے منتخب اراکین اور او آئی سی سفیروں کے سامنے بھی بھارت کے خلاف پاکستان کا مقدمہ کامیابی سے پیش کیا تھا。