بلاول بھٹو کی قیادت میں پاکستانی وفد واشنگٹن پہنچ گیا

بلاول بھٹو کا دورہ نیویارک مکمل

واشنگٹن (ڈیلی پاکستان آن لائن) بلاول بھٹو کی قیادت میں پاکستانی وفد نے دورہ نیویارک مکمل کرکے واشنگٹن پہنچ گیا۔

یہ بھی پڑھیں: لاہور پولیس نے بازار میں خریداری کے لئے آئی خاتون کے ساتھ نازیبا حرکتیں کرنے والے ملزم کو گرفتار کرلیا

وفد کا سفر

نجی ٹی وی جیو نیوز کے مطابق بلاول بھٹو سمیت پاکستان کا 9 رکنی وفد ٹرین کے ذریعے نیویارک سے واشنگٹن پہنچا۔ واشنگٹن کے ریلوے سٹیشن پر وفد کا پاکستان کے سفیر رضوان سعید شیخ اور دیگر سینئر سفارتی عملے نے استقبال کیا۔

یہ بھی پڑھیں: ہمارے ملک کا ماحول مریض بنانےکی مشین بن گیا ہے، وفاقی وزیر صحت

بھارت کے خلاف مقدمہ

بلاول نے بھارت کے خلاف پاکستان کا مقدمہ یو این سیکرٹری جنرل کے سامنے پیش کر دیا۔ ذرائع کے مطابق بلاول بھٹو کی قیادت میں 9 رکنی وفد 6 جون تک واشنگٹن میں قیام کرے گا۔ اس دوران وفد امریکی حکام اور تھنک ٹینک کے سامنے پاکستان کا مقدمہ پیش کرے گا جبکہ بلاول بھٹو دورہ واشنگٹن میں میڈیا کے نمائندوں سے بھی بات چیت کریں گے۔

یہ بھی پڑھیں: ریلوے کے میکنیکل ڈپارٹمنٹ کی کارکردگی کا جائزہ، افسران کی سرزنش

کشمیر کا معاملہ

دورے کے دوران بلاول بھٹو بھارت کی آبی جارحیت، اشتعال انگیزی سے امریکی حکام کو آگاہ کریں گے۔ سابق وزیر خارجہ مسئلہ کشمیر حل کرنے کی پیشکش پر ٹرمپ انتظامیہ سے اظہار تشکر بھی کریں گے اور ان پر زور دیں گے کہ مسئلہ کشمیر کا پرامن حل یقینی بنائیں۔

یہ بھی پڑھیں: خواجہ آصف نے 9مئی کے ملزمان کو سزائیں سنائے جانے پر ردعمل جاری کر دیا

یو این ملاقاتیں

ذرائع کا بتانا ہے کہ بلاول بھٹو زور دیں گے کہ مسئلہ کشمیر کا حل یو این قراردادوں اور کشمیریوں کی امنگوں کے مطابق ہو۔ واضح رہے کہ اس سے قبل دورہ نیویارک میں پاکستان کے پارلیمانی اور سفارتی وفد نے یو این سیکرٹری جنرل انتونیو گوتریس اور صدر جنرل اسمبلی سے ملاقاتیں کی تھیں۔

بھارت کے خلاف مقدمہ پیش کرنا

وفد نے نیویارک میں سلامتی کونسل کے منتخب اراکین اور او آئی سی سفیروں کے سامنے بھی بھارت کے خلاف پاکستان کا مقدمہ کامیابی سے پیش کیا تھا。