ممتاز دانشور، سابق وفاقی وزیر مملکت قیوم نظامی کی نئی کتاب ’’سیاسی وصیت‘‘ شائع ہو گئی

کتاب کی شمولیت

لا ہور (ادبی رپورٹر) دانشور، محقق، کالم نگار اور مصنف قیوم نظامی کی نئی کتاب ’’سیاسی وصیت‘‘ شائع ہو کر مارکیٹ میں دستیاب ہے۔ مصنف کئی مقبول کتابوں کے مصنف اور معروف صحافی ہیں۔ قیوم نظامی نے مختلف موضوعات پر بڑوں کے لیے 26 اور بچوں کے لیے 35 کتابیں لکھی ہیں۔

یہ بھی پڑھیں: بھکاری مافیا بدنامی کا سبب، گداگری ناقابل ضمانت جرم قرار دینا ہوگی: محسن نقوی

دانشور کی خدمات

قیوم نظامی کا شمار وطن عزیز کے اُن نمایاں دانشوروں میں ہوتا ہے جنہوں نے خلوص نیت سے ساری زندگی وطن عزیز کی خدمت میں گزار دی۔ ایسے عظیم لوگ قوموں اور ملکوں کے لیے سرمایۂ افتخار ہوتے ہیں۔

یہ بھی پڑھیں: 40 سال تک صفائی کرکے پیسے جمع کرنے والا انڈونیشیا کا جوڑا حج کرنے پہنچ گیا

کتاب کا مختصر جائزہ

اس کتاب کی فہرست پر ایک نظر ڈالیں تو واضح ہو جاتا ہے کہ یہ مختصر مگر جامع کتاب پاکستان کے بنیادی مسائل کا احاطہ کرتی ہے۔ یہ مسائل موجودہ نسل سے مربوط ہیں، جو کہ ہماری آنے والی نسلوں اور پاکستان کے مستقبل سے جڑے ہیں۔

یہ بھی پڑھیں: وکلاء کے تحفظ کیلئے ملک بھر میں خصوصی عدالتیں قائم، نوٹیفکیشن جاری

تاریخی سچائی

قیوم نظامی نے اپنی اس کتاب میں تاریخ کا سچ بیان کرنے کی کوشش کی ہے۔ پاکستان کے سیاسی مسائل، معاشی، معاشرتی اور مذہبی مسائل، پاکستان کی عسکری قیادت اور اس کا کردار، حکومتی نظام، آئینی ترمیم اور ریاست پر جاگیرداروں اور سرمایہ داروں کا قبضہ یہ اس کتاب کے اہم ابواب ہیں۔

یہ بھی پڑھیں: آسٹریلیا سے پہلی شکست کے بعد کپتان محمد رضوان کی گفتگو

نوجوان نسل کی رہنمائی

مصنف کی خواہش یہ ہے کہ پاکستان کی نوجوان نسل اپنی سوچ بدلے، انگریزوں کے رائج نظام کو تبدیل کرے، اور قوم متحد و منظم ہو کر پاکستان کی ترقی اور استحکام کے لیے کوشش کرے۔

یہ بھی پڑھیں: بشریٰ بی بی کیخلاف ٹیلی گراف ایکٹ کے تحت مقدمہ درج

کتاب کی اہمیت

یہ کتاب ہر شخص کو پڑھنی چاہیے، لیکن خاص طور پر اساتذہ کرام اور طلبا و طالبات کے لیے ’’سیاسی وصیت‘‘ بہت اہمیت کی حامل ہے۔ اس کتاب کو پاکستان کے تمام تعلیمی اداروں، یونیورسٹیز، کالجز، سکولز اور سرکاری و نیم سرکاری اداروں کی لائبریریوں میں ہر صورت موجود ہونا چاہیے۔

کتاب کے حصول کے لئے معلومات

اس کتاب کے حصول کے خواہش مند اشاعتی ادارے کے مرکزی دفتر واقع یثرب کالونی بینک سٹاپ والٹن روڈ لاہور کینٹ سے رابطہ فرمائیں۔ مضبوط جلد کے ساتھ ساتھ خوبصورت ٹائیٹل پر قیوم نظامی کی باوقار تصویر کتاب کی دلکشی میں اضافہ کرتی ہے۔