چار شادیوں کے حق میں نہیں ہوں مگر اس میں زیادہ قصور عورتوں کا ہے: یاسر حسین

یاسر حسین کی تنقید کا نشانہ

کراچی(ڈیلی پاکستان آن لائن) پاکستانی اداکار و ہدایتکار یاسر حسین ایک مرتبہ پھر اپنے بیان کی وجہ سے تنقید کی زد میں آگئے۔

یہ بھی پڑھیں: 8 فروری 2024 کے انتخابات میں دھاندلی سے متعلق 3 درخواستیں عدم پیروی پر خارج

سوشل میڈیا پر ردعمل

نجی ٹی وی چینل جیو نیوز کے مطابق اداکار اکثر و بیشتر انٹرویوز میں اس قسم کے بیانات دیتے ہیں جو سوشل میڈیا صارفین کو خاص پسند نہیں آتے، ایسے میں ان کے مداح اور دیگر صارفین سوشل میڈیا پر ان کی تصحیح بھی کرتے ہیں اور ان پر تنقید بھی کرتے نظر آتے ہیں۔

یہ بھی پڑھیں: وقت نے ایک بار پھر ثابت کیا ہے کہ سیاست میں مکافاتِ عمل ضرور ہوتا ہے, مخالفین کے لیے مشکلات کھڑی کرنےوالے خود بھی اسی نظام کا سامنا کر رہے ہیں، عابد شیرعلی

چار شادیوں پر رائے

حال ہی میں وہ ایک شو میں بطور مہمان شریک ہوئے جہاں انہوں نے چار شادیوں پر کھل کر اپنی رائے دی، اداکار نے کہا کہ میں ذاتی طور پر چار شادیوں کے حق میں نہیں ہوں، میں نے جس سے محبت کی اسی سے شادی کی، اب کسی اور عورت کو دیکھنے کا سوال ہی پیدا نہیں ہوتا۔

یہ بھی پڑھیں: مرغی کا گوشت 45 روپے فی کلو مہنگا

بیان کی وضاحت

یاسر حسین نے اپنے بیان کی وضاحت کرتے ہوئے کہا کہ اگر کسی مرد کی دوسری شادی ہو تو اس میں عورتوں کا کردار زیادہ ہوتا ہے۔

یہ بھی پڑھیں: سرگودھا: ناقص چارہ کھانے سے 12 بھینسیں اور گائیں مر گئیں

عورتوں کی شادیاں اور توقعات

انہوں نے کہا کہ آج کی عورت چاہتی ہے کہ وہ ایسے مرد سے شادی کرے جو مالی طور پر مستحکم ہو، بچوں کا خیال رکھ سکے اور زندگی کی سہولیات دے سکے، جب وہ ایسا مرد دیکھتی ہے تو وہ خوشی خوشی دوسری بیوی بننے کو تیار ہو جاتی ہے۔

یہ بھی پڑھیں: سینیٹ سے منظور شدہ 27ویں آئینی ترمیم کی قومی اسمبلی میں منظوری کل لی جائے گی،وفاقی وزیر مصطفیٰ کمال کاجلد 28ویں ترمیم کا عندیہ

خواتین کے کردار پر مزید نظرانداز

یاسر حسین نے مزید کہا کہ میں کئی ایسی خواتین کو ذاتی طور پر جانتا ہوں جو یہ جانتے ہوئے بھی کہ مرد شادی شدہ ہے، اس سے شادی پر آمادہ ہو گئیں، بعض اوقات تو ایسی عورتیں پہلی بیوی کو طلاق دلوانے کی بھی کوشش کرتی ہیں۔

سوشل میڈیا کی طرف سے شادیوں پر رائے

اداکار کے اس بیان پر سوشل میڈیا پر شدید ردِعمل سامنے آیا ہے، کچھ لوگ ان کی رائے کو حقیقت کے قریب سمجھتے ہیں جبکہ اکثر صارفین نے ان کے خواتین سے متعلق اس بیان پر ناراضی کا اظہار کیا۔