نوجوان پر تشدد کا کیس، عدالت نے ملزم سلمان فاروقی اور اویس ہاشمی کی درخواست ضمانت پر محفوظ فیصلہ سنا دیا

کراچی کی مقامی عدالت کا فیصلہ

کراچی (ڈیلی پاکستان آن لائن) کراچی کی مقامی عدالت نے تشدد کیس میں ملزم سلمان فاروقی اور اویس ہاشمی کی درخواست ضمانت پر محفوظ فیصلہ سنا دیا۔

یہ بھی پڑھیں: قوانین میں کہیں بھی ہاتھ ملانے کی شرط درج نہیں، بھارتی کرکٹ بورڈ

کیس کی تفصیلات

نجی ٹی وی چینل جیو نیوز کے مطابق، کراچی کی مقامی عدالت میں ڈیفنس اتحاد کمرشل میں نوجوان پر تشدد کیس کے ملزمان کی درخواست ضمانت پر سماعت ہوئی، متاثرہ نوجوان سدھیر بھی عدالت میں پیش ہوا۔

یہ بھی پڑھیں: لاہور ہائیکورٹ بار اور لاہور بار نے ججز سنیارٹی کیس کا فیصلہ چیلنج کردیا

متاثرہ نوجوان کا بیان

سدھیر نے عدالت میں بیان دیتے ہوئے کہا کہ "میری غلطی تھی، میری موٹر سائیکل کار سے ٹکرائی، میں کیس کی پیروی نہیں کرنا چاہتا، ملزمان کو معاف کردیا ہے، مجھے کوئی اعتراض نہیں، عدالت جو فیصلہ کرے۔"

یہ بھی پڑھیں: جمہوری لوگوں کی بدقسمتی کہ بڑوں کی ریس یہی ہے کہ سر، میں زیادہ خدمت کروں گا: ایمل ولی خان

سرکاری وکیل کی موقف

سرکاری وکیل نے ملزمان کی درخواست ضمانت کی مخالفت کرتے ہوئے کہا کہ "ملزمان کے خلاف دھمکیاں دینے اور عورت کی تذلیل کرنے کے تحت مقدمہ درج کیا گیا، یہ دفعات قابل ضمانت نہیں ہیں۔"

یہ بھی پڑھیں: قومی اسمبلی کا 19 واں اجلاس، وزیراعظم کسی بھی نشست میں شریک نہیں ہوئے، اپوزیشن لیڈر کا عہدہ خالی رہا،فافن

عدالت کا محفوظ فیصلہ

درخواست ضمانت پر ملزمان کے وکلا کے دلائل مکمل ہو گئے، عدالت نے ملزمان کی درخواست ضمانت پر فیصلہ محفوظ کر لیا۔

ضمانت کی درخواست مسترد

بعد ازاں عدالت نے محفوظ فیصلہ سناتے ہوئے ملزم سلمان فاروقی اور اویس ہاشمی کی ضمانت مسترد کر دی۔