جناح ہاؤس حملہ کیس، تحریک انصاف کی رہنما کے ناقابلِ ضمانت وارنٹ گرفتاری جاری

لاہور کی انسدادِ دہشت گردی کی عدالت کا فیصلہ

لاہور (ڈیلی پاکستان آن لائن) لاہور کی انسدادِ دہشت گردی کی عدالت نے تحریک انصاف کی رہنما عالیہ حمزہ کے ناقابلِ ضمانت وارنٹِ گرفتاری جاری کر دیئے۔

یہ بھی پڑھیں: آئی ایم ایف نے پاکستان کے پبلک فنانشل مینجمنٹ سسٹم میں 9 خامیوں کی نشاندہی کر دی

مقدمے کی سماعت

انسدادِ دہشت گردی کی عدالت کے جج منظر علی گل نے کوٹ لکھپت جیل میں جناح ہاؤس پر حملے کے مقدمے کی سماعت کی۔

یہ بھی پڑھیں: آئی ایم ایف نے پاکستان کے ارکان پارلیمنٹ کے اثاثوں کو خفیہ رکھنے کی قانونی ترمیم کو واپس لینے کا مطالبہ کر دیا

عدالت کا اظہارِ برہمی

’’جنگ‘‘ کے مطابق، دورانِ سماعت پی ٹی آئی رہنما عالیہ حمزہ کے پیش نہ ہونے پر عدالت نے اظہارِ برہمی کرتے ہوئے ان کی حاضری سے معافی کی درخواست مسترد کر دی اور ناقابلِ ضمانت وارنٹِ گرفتاری جاری کر دیئے۔ عدالت نے اپنے حکم میں کہا کہ ملزمہ کے پیش نہ ہونے سے آج سرکاری گواہوں کے بیانات ریکارڈ نہیں ہو سکے، عالیہ حمزہ مقدمے کی 4 سماعتوں سے غیر حاضر ہیں۔

یہ بھی پڑھیں: ستاروں کی روشنی میں آپ کا آئندہ ہفتہ کیسا گزرے گا ؟

ضمانتی مچلکے ضبط کرنے کا حکم

لاہور کی انسدادِ دہشت گردی کی عدالت نے عالیہ حمزہ کے ضامن کو شوکاز نوٹس بھی جاری کر دیا اور عالیہ حمزہ کے ضمانتی مچلکے بحقِ سرکار ضبط کرنے کا حکم بھی دے دیا۔

کیس کی آئندہ سماعت

عدالت نے خدیجہ شاہ کی ایک سماعت کے لیے پیشی سے استثنیٰ کی درخواست منظور کر لی اور کیس کی سماعت 14 جون تک ملتوی کر دی۔