پاکستان میں بہت مضبوط لیڈر شپ ہے، امریکی صدر ٹرمپ

ٹرمپ کی جانب سے پاک بھارت جنگ بندی کا کردار

واشنگٹن (ڈیلی پاکستان آن لائن) امریکی صدر ڈونلڈ ٹرمپ نے ایک بار پھر پاک بھارت جنگ بندی میں مرکزی کردار ادا کرنے کے عزم کا اظہار کیا ہے۔

یہ بھی پڑھیں: یک زبان: فلسطینیوں کے ساتھ قومی قیادت کی یکجہتی کا اظہار

ملاقات کے دوران بیان

نجی ٹی وی جیو نیوز کے مطابق، صدر ٹرمپ نے جرمن چانسلر فریڈرک مرٹز سے وائٹ ہاؤس میں ملاقات کے دوران گفتگو کرتے ہوئے کہا کہ انہیں فخر ہے کہ انہوں نے دو ایٹمی ریاستوں کے درمیان جنگ بندی کرائی۔ انہوں نے دونوں ملکوں کو باور کروایا کہ اگر وہ گولیاں چلائیں گے تو تجارت نہیں ہوگی۔

یہ بھی پڑھیں: پاکستانیوں کا قتل؛ ثابت ہوا کہ بلوچ دہشتگرد تنظیموں کی ایران میں محفوظ پناہ گاہیں موجود ہیں

پاکستان کی مضبوط قیادت

صدر ٹرمپ نے کہا کہ پاکستان میں بہت مضبوط لیڈرشپ موجود ہے۔ دلچسپ بات یہ ہے کہ وہ ایک درجن بار اس مسئلے کو دہرا چکے ہیں، جس پر بھارتی حکومت ہمیشہ سیخ پا ہو جاتی ہے۔ یہ صورتحال بھارتی حزب اختلاف کانگریس کو بھی مودی جی کا مذاق اڑانے کا موقع فراہم کرتی ہے۔

یہ بھی پڑھیں: خیبر پختونخوا میں سیکیورٹی فورسز کی 3 مختلف کاروائیاں، 11 خوارج ہلاک

بھارت کی جانب سے انکار

گذشتہ ماہ بھارت کے سیکرٹری خارجہ وکرم مسری نے پاکستان اور بھارت کے درمیان جنگ بندی میں امریکی کوششوں کا سرے سے انکار کیا تھا۔ انہوں نے پارلیمانی کمیٹی کو بریفنگ دیتے ہوئے کہا کہ پاک بھارت فائربندی بالکل دوطرفہ تھی، اور اس میں امریکی صدر ٹرمپ کا کوئی کردار نہیں تھا۔

ٹرمپ کا خود بیان

وکرم مسری نے مزید کہا کہ ٹرمپ نے ہم سے بیچ میں آنے کی اجازت نہیں لی، بلکہ وہ خود ہی اسٹیج پر آنا چاہتے تھے اور وہ آگئے۔ 10 مئی کو ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر اعلان کیا تھا کہ پاکستان اور بھارت جنگ بندی پر متفق ہوگئے ہیں۔