پنجاب میں سولر پینلز کی تنصیب کے لئے نئے قواعد و ضوابط جاری کردیے گئے
حالیہ بارشوں کے دوران سولر پینلز کی تنصیب کے قواعد و ضوابط
فیصل آباد (آئی این پی) حالیہ بارشوں کے دوران پنجاب میں سولر پینلز کی تنصیب کے لیے قواعد و ضوابط جاری کر دیئے گئے۔
یہ بھی پڑھیں: عالمی مارکیٹ میں تیل کی قیمتوں میں اضافہ ریکارڈ
پی ڈی ایم اے کی ہدایات
رپورٹ کے مطابق انرجی ڈیپارٹمنٹ کی ہدایات کے پیش نظر پی ڈی ایم اے نے مراسلہ جاری کیا، فیصل آباد سمیت پنجاب بھر کے کمشنرز و ڈپٹی کمشنرز کو سولر پینلز کی تنصیب کے بارے میں گائیڈلائنز فراہم کی گئی ہیں۔
سولر پینلز کی تنصیب کے لیے ہدایات
ڈی جی پی ڈی ایم اے عرفان کاٹھیا کا کہنا تھا کہ سسٹم کی تنصیب الٹرنیٹو انرجی ڈویلپمنٹ بورڈ کے منظور شدہ ماہرین سے کروائیں۔ ضلعی انتظامیہ عمارت مالکان، سولر وینڈرز اور انسٹالرز کو ایس او پیز فراہم کرے گی۔ حساس عمارتوں، اسکولز، اسپتالوں، اور دفاتر میں سولر سسٹمز کا فوری جائزہ لیا جائے گا۔ میونسپل کارپوریشنز اور بلڈنگ اتھارٹیز گائیڈ لائنز پر سختی سے عملدرآمد کریں۔
