مروف ڈائریکٹر نے تنخواہ مانگنے پر ڈرائیور کو چھری مار کر زخمی کردیا
بالی وڈ ہدایت کار کا تشدد
ممبئی (ویب ڈیسک) بالی وڈ کے معروف ہدایت کار منیش گپتا نے تنخواہ مانگنے پر اپنے ڈرائیور پر چھری سے حملہ کرکے اسے زخمی کردیا۔ منیش گپتا نے ’ڈرنا ضروری ہے‘ اور ’ہاسٹل‘ جیسی کئی مشہور فلموں کی ہدایتکاری کی ہے۔
یہ بھی پڑھیں: بھارتی وزیر اعظم کا دورۂ منی پور، خواتین اور طلباء کا شدید احتجاج، ’’مودی واپس جاؤ‘‘ کے نعرے لگ گئے
ڈرائیور کی ملازمت کی صورتحال
رپورٹس کے مطابق، ڈرائیور محمد لشکر تقریباً تین سال سے منیش گپتا کے لیے 23 ہزار بھارتی روپے میں کام کر رہا تھا۔ تاہم، گزشتہ ماہ اسے نوکری سے نکال دیا گیا۔
یہ بھی پڑھیں: کویت نے پاکستان کیلئے تیل کریڈٹ سہولت میں 2 سال کیلئے توسیع کردی
تنخواہ کی عدم ادائیگی
کہا گیا ہے کہ ہدایت کار نے ڈرائیور کو دوبارہ کام پر آنے کی شرط پر پیسوں کی ادائیگی کی بات کی، لیکن ڈرائیور کے واپس آنے کے باوجود منیش گپتا نے اس کی تنخواہ ادا نہیں کی۔
یہ بھی پڑھیں: پاکستان اور افغان طالبان مذاکرات کا ترکیہ میں آج دوسرا دور، سرحدی گزرگاہیں بدستور بند
حملے کا واقعہ
رپورٹس کے مطابق، جب ڈرائیور نے تنخواہ کا مطالبہ کیا تو ہدایت کار نے کچن سے چھری اٹھائی اور حملہ کرکے ڈرائیور کو زخمی کردیا۔ بعد ازاں ڈرائیور کو طبی امداد کے لیے اسپتال منتقل کیا گیا۔
قانونی کارروائی
ڈرائیور نے ہدایت کار کے خلاف مقامی پولیس اسٹیشن میں مقدمہ درج کروایا، لیکن پولیس نے اب تک کوئی کارروائی نہیں کی۔
